攬錫熱情舊照再被翻炒 彭慧中感無奈:係正常禮儀

撰文:吳子生
出版:更新:

彭慧中(Phoebe)昨日(20/6)現身將軍澳電視城出席《Big Big shop感謝祭》節目節錄。講到網上購物,Phoebe就話非常方便慳時間,「其實我嘅日常生活嘅日用品及衫褲鞋襪都係上網買,只係撳幾個掣,跟住幾日後呢就會送到嚟我屋企。有時候因為太過方便,就會買下買多咗嘢,不過買咗返嚟我有個習慣,就會成日着,咁樣我會覺得抵返晒。」

Phoebe承認讀書時,個性很野性。(葉志明攝)

對於在英國讀書時的熱情舊照再度曝光,Phoebe大感無奈,更表示:「其實啲相係我喺參選港姐嘅時候已經曝光過,嗰啲都係舊相。(呢批相是否令你落選原因?)講真我當然唔知道實際有冇影響到,我諗點都一定有少少影響嘅。(相中見到你俾男仔錫又攬,大家係咩關係?)全部都係朋友嚟,因為其實外國人攬攬錫錫都好正常,當然大家唔係嘴對嘴啦,而家我見啲喺外國讀書嘅朋友,大家見面都會攬然後跟住錫面,呢啲都係一啲正常禮儀嚟啫。(見到呢啲相再度被翻炒,會否覺得討厭?)都會㗎!覺得Po嚟Po去都係同一樣嘅嘢,咁我希望有啲新嘢!可能佢哋太回味我嘅歷史,佢哋唔需太懷念我嘅過去。(網民覺得你好野性?)係呀!我都幾Wild㗎!嗰陣時讀書嘅時候都幾開心,講真而家人大咗,我緊係唔會做呢啲咁嘅嘢啦!」

Phoebe對於熱情舊照再度曝光,大感無奈。(葉志明攝)
+3