【姊妹淘】傅嘉莉單身3年唔急搵男友 自爆考慮雪卵:我已經35歲

撰文:賴家杰
出版:更新:

傅嘉莉(Kelly)今天(9日)出席《姊妹淘》全新一輯的錄影。Kelly表示《姊妹淘》新一輯會有更多精彩內容分享給觀眾,「我覺得我好有福氣,因為我加入《姊妹淘》唔係好長時間,依家《姊妹淘》除咗J2會播,翡翠台都會播,非常開心。」

一班女生在一起,Kelly透露很多話題也會討論。(葉志明攝)

節目中兩性話題是討論得最多,Kelly亦不介意分享自己的感情事,她直言已經單身了超過3年,最近突然有煩惱:「我依家反而諗係生小朋友方面,但我冇諗拍拖呢步。因為好多人都同我講35歲生小朋友最好,如果生唔到可能考慮雪卵,我已經最後呢年諗呢個問題,我已經35歲啦。」

原來Kelly已經35歲,一啲都唔似。(葉志明攝)

雖然有這個煩惱,但Kelly笑言不心急找另一伴結婚生小朋友:「開頭分手變單身都唔習慣,但依家好Enjoy自己一個。幾時返工、幾時放工、幾時打機都冇人會管,咁都舒服嘅。」

+3