部份參賽佳麗滿口牙漬被網民嫌棄 黃嘉雯:要即刻去洗牙!

撰文:吳子生
出版:更新:

應屆港姐冠軍黃嘉雯(Carmaney)今日(13/7)現身將軍澳電視城出席明珠台系列節目《絕色星期二:野性超感官》記者會。提起今屆即將卸任港姐,Carmaney坦言感不捨,但同時亦大讚眾參賽佳麗透過直播面對網民提問表現淡定,「我覺得佢哋好叻,因為我嗰陣時只係面對評判提問,但佢哋今次係接受全香港市民嘅提問,所以我覺得佢哋好犀利,仲可以表現都咁淡定。」

Carmaney大讚今屆參賽佳麗質數相當平均。(陳順禎攝)

雖然今屆參賽佳麗質數相當平均,但有眼利網民睇到部分佳麗滿口牙漬,對其印象大打折扣。Carmaney就話:「其實佢哋事前要準備下,不過我又覺得今次係比較倉促,原先諗住停辦,但又復辦,可能有啲女仔決定參加嗰刻,又冇時間去做準備洗牙,但唔使擔心,距離決賽都仲有一段時間,仲有機會即刻去洗牙!」

即將卸任港姐Carmaney坦言感不捨。(陳順禎攝)
+1