【殺手】49歲樊亦敏被監製嫌肥 減磅喪打搞到周身瘀

撰文:鄺鈺瑩
出版:更新:
樊亦敏於《殺手》有唔少打戲,但她坦然一啲都唔識打,所以令對手黎耀祥十分辛苦。

樊亦敏(Amy)喺《殺手》中飾演武功高強嘅霸氣社團阿嫂「紅姐」萬天紅,面上一道長疤痕,一睇就知有所經歷,其角色與她在《愛·回家之開心速遞》嘅潑辣「三太」截然不同。

樊亦敏為拍《殺手》滿身傷。(IG@amyfan3796)

《殺手》有唔少動作場面,49歲嘅樊亦敏喺拍攝時堅持親身上陣,搞到周身瘀傷都認為值得,睇返佢之前喺IG上載嘅照片,真係有圖有真相,連佢自己都話「 紅姐和阿武(黎耀祥)的埋身肉搏,好痛呀.............」不過,樊亦敏嘅付出,亦獲不少讚賞,劇集播出後,唔少觀眾都留言表示「Amy 好好身手」、「睇到都痛,欣賞你的努力」。去年初《殺手》開拍初期,樊亦敏曾被監製嫌肥,她為此節食減肥。

樊亦敏十分專業。(IG@amyfan3796)

其實樊亦敏91年參選港姐前,已經拍過唔少廣告,走嘅亦都係女神路線。參選港姐時,有零死角美人之稱,成功打入五強嘅佢入行後備受力捧,首次拍劇《他來自天堂》獲安排做女三。唯她後來因患上免疫系統疾病而脫髮,開始減少工作,至2012年再次回巢,或者係因為過往所飾演嘅角色多為師奶或閒角,與《殺手》中紅姐成強烈對比,令唔少觀眾都有驚喜。

+2