【迷網】容天佑演窮編劇焗做網上騙子 入行9年原來係截拳道高手

撰文:董欣琪
出版:更新:

TVB劇集《迷網》中提及網上世界各類不同騙案,當中就以網上情緣騙案居多,在劇中飾演編劇軒仔的容天佑,因為要為爸爸籌措醫藥費,在龍哥(何啟南飾)的說服下終於放棄原則,成為網上騙子。而現實中原來天佑已經入行9年,但多數都是演小角色,有的甚至連角色名也沒有,不過今次他在劇中的演出就獲不少網民大讚!

劇中軒仔(容天佑飾)因為要為爸爸籌措醫藥費不惜向財務公司借錢。(劇照)
天佑在去年播出的劇集《解決師》中與丁子朗一起飾演欖球隊隊員。(IG@yungtinyau)

現年25歲的天佑在16歲時參加《功夫新星》而入行,之後考入藝員訓練班,九年來都參演過不少劇集,但就以不起眼的小人物為主,直至去年在《解決師》中與丁子朗一起飾演欖球隊隊員,憑着青春活力的一面吸引不少人關注,天佑在接受《香港01》訪問時直認今次戲份增多:「今次都算係有我嘅故事又多演出嘅一次,但今次嘅角色都有難度,因為同我以往做嘅角色及自己現實都有好大分別,平時自己冇時停,唔用腦,何世軒就最叻用腦寫嘢,同埋比較沉實斯文。而尾段內心亦要好掙扎,最難就係要喊,不過監制、導演都好照顧我,不斷輔導我,整體有難度,但拍攝過程好舒服亦好享受當中過程。」

在龍哥(何啟南飾)的說服下終於放棄原則,成為網上騙子。(YouTube影片截圖)

點擊下圖重溫:

+37

雖然過往發揮機會不多,但捱了9年的他自言從未想過放棄:「每次工作每次都學習緊,公司都畀過唔同嘅機會我。(經濟方面會唔會有壓力?)又唔算太大壓力,始終屋企人都體諒同支持。」自4歲開始學跆拳道的天佑除了是跆拳道黑帶四段高手之外,還是截拳道第五代傳人,但就未有太多機會一展所長:「都唔會浪費,因為喺好多拍攝層面上亦都需要有好嘅反應同身手,就好似今次角色需要,由一樓跌落街同跳海嘅戲份,有功夫底及導演評估安全後就可親身上陣,自己亦可吸取更多經驗。當然自己亦都希望拍多啲動作戲,但又未試過自薦,最想演有關武打嘅角色。」

天佑是截拳道第五代傳人,但就未有太多機會一展所長。(IG@yungtinyau)
他在劇中親身上陣拍攝跌落街的戲份。(劇照)
+13

天佑在入行初期曾與林穎彤(Bella)拍拖,但有傳林媽媽極力反對這段戀情,嫌棄他耽誤女兒發展,更兩度棒打鴛鴦,不過天佑就坦然面對:「當年係性格不合而分手嘅,不過嗰陣得18歲,過咗去嘅嘢都唔想再提啦,而家有圈外女朋友都好穩定。」如今天佑除了幕前演出之外,更投資了六位數與朋友夾份開顧問公司:「主要係幫人拍攝一啲廣告、短片,除咗幕前之外都希望多啲接觸幕後嘅工作,增加自己嘅見識,從而增加我對整個演藝製作有更深嘅了解。負擔都會大咗㗎,咪當交學費囉。」

天佑在入行初期曾與林穎彤(Bella)拍拖,但有傳林媽媽嫌棄他耽誤女兒發展,更兩度棒打鴛鴦。(IG@bella_lam)
+20
你可能感興趣