女人必學100道菜│三姐由飯盒女王變名廚 艱苦之路曝光:差啲死

撰文:黃欣華
出版:更新:

由TVB廚后三姐(蕭秀香)和江美儀主持的最新烹飪節目《女人必學100道菜》播出後,話題十足。三姐在節目中大顯身手,用紮實精湛的廚藝教大家做出各式精緻家常及宴客菜式,簡直令觀眾垂涎三尺。原來當年靠做飯盒起家的三姐,成功變女名廚打響名堂一路走來並不容易。

兩位主持走訪不同街市、食材供應商店,教大家揀選優質食材及解構滋味密碼。(Facebook/@香港女廚王 - 三姐)

三姐由於在家中排行第3,所以人人稱她做三姐。她自小就在父親經營的飯堂幫忙,亦培養出一手好廚藝。她接受《香港01》訪問時透露:「爸爸發現我有啲天份,想我有一技之長,所以好比心機教我,當我仔咁養。之後,爸爸成日出入醫院,我唯有13歲就頂一頂,幫吓手。好記得當時有個客,好想食煲仔飯,就膽粗粗整畀佢食,佢係咁讚,當時好滿足。(煲仔飯係你最拿手?)都算係。」

未知三姐會否教煲仔飯呢?(Facebook/@香港女廚王 - 三姐)

可惜,在父親離世後,三姐未有能力打理店舖,為生計決定打工,試過做美容、試過當家庭司機,又轉行做美容、工廠、地產,甚至亦試過接手凍肉公司做老闆。三姐亦有透露當年自己在黃大仙的神奇經歷:「嗰陣有個朋友打本畀我做地產,就打算去黃大仙搵人改個名。點知,當時個師傅就贈咗我幾句,話做地產唔係我終身職業,話我啱做飲食業,叫我有人叫我做飲食一定要去,當時都真係唔信。」怎料,事後真的有人叫三姐做赤鱲角的工人飯盒生意。

命中注定的女廚王!(Facebook/@香港女廚王 - 三姐)

點撃下圖睇三姐同美儀幾落力!

+5

三姐當時每天早上5點起床,由買菜、準備食材到送外賣到赤鱲角地盤,幾乎都親自落手一腳踢,回憶起那段艱辛的經歷,她都直認心有餘悸:「真係辛苦到,都唔知叫防曬,咩叫40度,有次辛苦到揸車送外賣經過條橋,架車失控,差啲死,同唔到你傾計啦。」做飲食靠口碑,三姐堅持食材新鮮,日賣過千飯盒,成為飯盒女王。之後,三姐又頂手做餐廳生意,並轉型成晚市小炒,雖然位置偏僻,但三姐仍不放棄,漸漸有外來客慕名而來,餐廳更登上報紙,生意才真正好起來。面對疫情,三姐仍抱有希望:「見步行步,同伙計一齊共度時艱。」

由買菜、準備食材到送外賣都一腳踢!(受訪者提供)

對於自己和江美儀主持的最新烹飪節目《女人必學100道菜》播出後,收穫不少好評。三姐對此就謙虛表示:「其實我哋係想照顧唔同層面嘅觀眾,所以有比較容易亦有比較難少少嘅菜式,希望總有一款菜式係適合大家嘅。」而三姐亦直認是主持初哥不敢一步登天:「所有意見都會聽,照顧得唔周全,唔好意思,大家多多包容。」她亦希望節目有第二輯,承諾會做得更好。

點撃下圖重溫三姐各款菜式加步驟!

+13

再點撃下圖睇江美儀教的簡易菜式!

+4

同場加映:【殺手】江美儀演一樓一人氣急升 現實三段情同樣專一飽受情傷

+17