【反黑路人甲】王浩信演警臥底喜劇細胞大爆發：肆無忌憚發洩出嚟

無綫全新喜劇《反黑路人甲》今日（8/8）於將軍澳電視城舉行宣傳造勢活動。該劇故事講述一宗謀殺案，令江湖醞釀大風暴。而王浩信在劇中演警方臥底，假扮社團遺孤潛入社團成為坐管，並遇上另一臥底張振朗，一同將各種危機化險為夷。

浩信接受《香港01》時表示：「我同振朗戲內戲外，感情火花都好強，尤其大家都好鍾意拍喜劇，咁所以今次我哋將劇裡面一啲無聊嘅細胞放到好大，俾觀眾可以睇到，其實我覺得喜劇對香港人嚟講好根深蒂固嘅一樣嘢嚟，而無厘頭呢樣嘢埋藏咗喺我哋個心，咁我哋終於肆無忌憚咁發洩出嚟，不過佢就好忍唔到笑。」