簡淑兒承認與前度男友復合 曾分開一年:覺得可以試多次

撰文:黃欣華
出版:更新:

繼「3日2夜」女神陳婉衡今年8月自爆戀情,好姊妹簡淑兒(Jessica)近日又被影到孖住前度男友高調拖手買餸玩煮飯仔,事後Jessica亦大方承認戀情,又一女神封盤!

Jessica早前在社交網站上載牽手相。(IG圖片/kan_jessica)

正忙於拍攝新劇《智能愛(AI)人》的Jessica日前素顏上陣孖住男友到超市入貨,二人不時有講有笑,相當甜蜜。Jessica曾接受《香港01》訪問時講過愛情路上遇挫折,坦言不再相信承諾:「而家嘅我已經唔信拍拖,已經唔相信承諾呢樣嘢,因為好多都係隨口講吓就算,一齊又係散,做咩要咁辛苦,分開又咁傷心,所以唔好特別去追求,緣份要嚟就嚟,冇嘅話,逼就會分開,仲痛。(點解咁講?)之後個男朋友一開始又話接受到我做呢行,但之後又介意,變咗好辛苦。(介意啲咩?)介意好多時間做緊嘢聽唔到電話,佢就會懷疑,可能(拍攝)有啲親密拖吓手攬吓,又會呷醋,其實你咁樣即係逼緊我揀,好難受囉個感覺。嚟緊就希望……你真係接受得到先大家一齊了解大家。」

恭喜女神!(IG/@kan_jessica)

對於今次戀情,Jessica笑言:「哈哈,又唔洗恭喜,都冇咩特別嘅,始終佢係圈外人,大家都想盡量低調啲。唔係特別要公開,咁影到又唔會唔認嘅。因為之前都分開過,一齊返冇幾耐,依家都係大家以工作為先,唔想放咁多焦點落去。」她又續說:「分開咗一年,其實大家都見咗好多嘢,之前因為性格唔夾,所以分開,今次一齊返發現大家都有轉變,所以覺得可以試多次。」看來,Jessica已成功走出愛情陰霾,重新出發,祝福滿滿!

+19

更多陳婉衡Fit爆身材相:

+54

同場加映:細數娛樂圈20段親戚關係圖 夏韶聲竟係廖碧兒70%舅父?

+37
你可能感興趣