林若寧慨嘆填詞人不及化妝師被人尊重  王灝兒:我哋應該要反思

撰文:
最後更新日期:

香港著名填詞人林夕徒弟林若寧,早前接受媒體訪問時,認為現時香港創作人未備受尊重及肯定,填寫一份歌詞的收入,往往連一位化妝師單次工作所得的薪酬都比不上,慨嘆歌詞緊要還是化妝重要。歌手JW(王灝兒)昨晚(15/9)現身音樂節目錄影時,就此接受《香港01》訪問。

她表示:「其實我係知道好多幕後創作人好辛酸,而且我身邊都有好幾位朋友都係做創作,我哋都會成日傾偈,都知道做創作係好艱難嘅事,咁所以希望大家支持廣東歌多啲,睇吓有啲咩嘢係可以去幫助作曲填詞嘅朋友。(填詞價真係比唔上化妝師價?)據我所知真係唔多。(業界直接提升創作價去支持佢哋!)我覺得可以畀多啲佢哋,而佢哋創作出嚟嘅作品就更加有質數。」

JW希望大家關注本地創作人所遭遇的問題。(陳順禎攝)

被問到創作人重要還是化妝師緊要?JW直言:「其實兩者都重要,好似我係一個歌手咁,要去唱一首歌,我係好需要個有質數嘅歌曲,而首歌曲嘅質數就好靠背後嘅創作團隊,咁呢個好重要。但我企出嚟要去介紹首歌嘅時候,我個妝同個頭嘅髮同服飾都係同樣重要,所以每一個元素都好重要。」

今次林若寧想帶出的訊息是很多人寧願花更高價錢化妝,都也不願以更高的價錢買作品,JW直言:「通常歌手都係被動,因為都係由公司去同填詞人去傾,我覺得如果真係一個大問題嘅話,我哋係好應該去提出問題,同應該去反思,而且我哋亦好應該畀返一啲Credit佢哋,始終首歌都係佢哋創作出嚟。」

JW呼籲大家支持廣東歌。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。