【熟女強人】吳千語被指「拜金」 霸氣回應:咁我做嘢確係為咗錢

撰文:
最後更新日期:

久未露面的吳千語,今日(23/9)現身九展出席ViuTV全新劇集《熟女強人》宣傳造勢活動。千語笑言太耐未接受傳媒訪問,精神難以集中,「唔知點解,我覺得今日好攰,做訪問嘅時候個腦要轉得好快,講真真係有啲唔慣,因為太耐冇返嚟。」

現年26歲的吳千語跟家族資產逾百億的「富三代」施伯雄拍拖,二人經常在社交平台放閃,感情穩定,有指男方已準備好出年迎娶千語,還一擲3,000萬購入清水灣傲瀧作新婚愛巢之用。千語笑言:「我冇諗過結婚,唔好再傳,因為自己冇咁嘅打算,我仲有大把時間,因為我仲好後生,想等自己再成熟啲先再諗結婚,況且而家自己都未搞掂自己,遲啲先再打算。」

吳千語坦言未有想過結婚。(梁碧玲攝)

有指當年吳千語同林峯拍拖期間,經常要求去旅行shopping買名牌手袋,又要食好東西,又要住豪宅,出入都要七人車接管接送,最終令林峯頂唔順「拜金」吳千語,決定攤牌分手。對於被指「拜金」吳千語霸氣話:「咁我做嘢的而且確係為咗搵錢嘅,如果我真係「拜金」,我就嫁咗唔做啦,仲要做咁多嘢咩?但我就想有自己嘅人生,啲人成日問我嫁唔嫁,其實我想為自己而活囉,唔係為咗人哋。」對於揀男朋友條件,千語直言要有才華同聰明,並強調顏值唔使講,一定要有。

對於被指「拜金」,吳千語霸氣話:「如果我真係「拜金」,我就嫁咗唔做啦!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。