梁芷珮冇得旅行好身痕 爆下輯《潮什麼》目的地：出得發就即刻飛
撰文：葉詩
出版：更新：
憑旅遊節目《潮什麼》系列成功入屋的梁芷珮（Christy）今日（24日）到袁學謙（Benedict）新開的飲品店撐場。談起今年新冠肺炎肆虐，大家都無法去旅行，心裡難免有種鬱悶的感覺：「睇番相簿發現近5年都未試過呢個月份喺香港，因為暑假歐洲嘅天氣係最靚，冇得飛硬係好似好痕咁！」問到怎樣止癮，她就笑言：「Staycation，諗親子遊戲同小朋友玩，令到佢哋好忙，就有返少少旅行感。」
+4
問主持工作為主的Christy收入會否受影響？她就舒一口氣道：「好感恩！疫情期間相反地我喺香港接咗唔同工作，收入反而多過之前，可能節目出咗街之後，多咗人認識我，反而多咗廣告客戶搵我哋一家人拍嘢。」至於早前有網民中傷指Christy老公「靠老婆」，她隨即正面還擊：「因為唔係真嘅嘢，我不嬲都唔會覆網民負評，但誣蔑我老公就一定要出聲，好開心都多人撐我！」
點擊圖輯睇Christy靚相！！
+30