【使徒行者3】林峯獲無綫加持料成視帝 陳展鵬:唔一定有獎!

撰文:吳子生
出版:更新:

由陳展鵬、陳山聰、姚子羚、唐詩詠、伍允龍及王君馨主演的無綫(TVB)新劇《唐人街》原定於9月21日晚上9時半播放,其後TVB突然抽起,改播由高海寧和馬國明主演的《C9特工》,而台慶期間就臨到林峰主演《使徒行者3》播出,因此有傳TVB為林峯問鼎視帝鋪路,連陳展鵬都要讓路。

陳展鵬無緣爭今屆視帝,他接受訪問時坦言未感失望。(葉志明攝)

今日(10/10),陳展鵬以嘉賓身份到上環出席新店開幕儀式。對於《唐》劇無期播放,展鵬表示:「其實幾時播我都唔知,要問番公司先,不過早排都做咗小小宣傳,而我聽聞係話想同內地同步播放,所以而家係等緊相關批文。計下計下,我都成兩至三年冇見過觀眾朋友,不過都好,可以趁呢個時間去沉澱一下,有時候拍劇都拍咗好多角色,老土講句自己唔悶,觀眾都悶。」

陳展鵬認為台慶月推播的劇集,未必一定會獲獎。(葉志明攝)

展鵬續指台慶月推播的劇集,不一定落實會獲獎,「過往我拍過好多套劇集都喺台慶月播,好似《張保仔》咁都係,但我對手係黃秋生,最終我都攞唔到獎,反而《城寨英雄》劇都唔係台慶月播都有獎攞,所以我覺得唔關台慶月事。」

對於今屆無緣爭視帝寶座,展鵬坦言未感失望:「其實當自己攞過獎之後,都想百花齊放,如果年年你攞,觀眾係咪鍾意先?有獎攞咁固然開心啦,所以我都好會期待有獎攞,因為可以証明得到觀眾嘅認同。」

陳展鵬有份主演的劇集《唐人街》,突然被無綫抽起,播放無期。(葉志明攝)
+5