陳偉琪被無綫停工大半年 準備轉行做公關:睇下邊度有好機會

撰文:
最後更新日期:

陳偉琪未獲無綫安排工作大半年有多,收入大跌嘅佢近日開始搵工。(vthechan@IG圖片)

陳偉琪近年因《愛.回家之開心速遞》細龍太一角而上位,但去年醉駕停工、保釋期間,陳偉琪被影到繼續與友人夜蒲飲酒。有傳令無綫高層不滿,劇情安排「細龍太」遠飛美國,暫別劇組,而陳偉琪則被雪藏處理。

「細龍太」被安排」遠飛美國,暫別劇組。(vthechan@IG圖片)

與其坐以待斃,不如主動出擊,據悉,陳偉琪近日向數間公關公司發出求職信以及個人履歷,似乎已做好轉行準備。29歲嘅陳偉琪畢業於英屬哥倫比亞大學,又曾為溫哥華市長在選舉中助選,以及擔任形象顧問;此外,她亦精於運動、音樂,6歲開始學習豎琴和鋼琴,兩種樂器皆考獲8級,要搵工的確唔算難。陳偉琪接受《香港01》訪問時,坦言無綫已有大半年未有與她聯絡:「自己都要諗下工作方面嘅嘢,畢竟都要養家,暫時都有朋友介紹嘅主持工作。」但問到是否打算轉行,陳偉琪只係話「好難講,要睇下邊度有好嘅機會」既不承認亦不否認。

有傳陳偉琪有個富爸爸,所以生活富貴。(vthechan@IG圖片)

陳偉琪又強調雖然收入大跌,但未算有太大經濟壓力。有指陳偉琪為家中獨女,被視為掌上明珠嘅佢,揸靚車、戴名錶開工之餘,亦不時出埠旅遊享受人生。現時租住西貢千呎獨立屋。相信就算轉行搵工,都係為過日辰,而非為生活。

陳偉琪表示有諗住做YouTuber,主攻 Lifestyle,但由於疫情關係,所以暫時未可以進行。(vthechan@IG圖片)

點擊下圖觀看相關圖片,以及陳偉琪的IG靚相:

+37
+37
+37

同場加映:馮盈盈富貴狂曬Hermès包包 拼色Kelly Bag原來係VIP專屬?

+20
+20
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。