53歲鄧兆尊爆男人終極秘笈點樣「一拖三」:豬扒,你哋教我㗎嘛

撰文:
最後更新日期:

鄧兆尊,既已故粵劇名伶新馬師曾的兒子,也是90年代有名的戲劇明星,不過在男人之間卻愛稱他為「現代韋小寶」,身家15億又旺女人緣,同時擁有三位紅顏知己外還能和睦共處,相當有本事。今日(11月22日)他就為ViuTV新節目《調查男女》錄影,節目前接受《香港01》訪問時,卻大嘆:「唔好學我吖。」

鄧兆尊的三位女友, Carmen(下排右三)、Cherry(上排左四)、Claire(上排左三),不過近來已與Claire分手。(微博圖片)

他續說:「有好多衍生出嚟嘅嘢,連數學都計唔到,係好麻煩。話畀你聽,一個女人一個墟,三個女人就唔止9個墟。」鄧兆尊還分享他的處世之道:「每論做乜都好,攞個心去做就一定會得,將自己設身處地去睇返自己得唔得,就會做到。」他望着滿頭問號的記者,就反問:「明唔明,係咪好高深吖?」

鄧兆尊被網民稱為「現代韋小寶」。(林迅景攝)

鄧兆尊被稱為「現代韋小寶」,一定有他的秘技!他聞言就笑了幾聲,說:「唉也,好多人成就都高過我。」他透露自己三位紅顏知己並不會呷醋,所以相對上較易共處:「後生女先會,而家大家都係追求開心,唔同後生女。譬如,佢哋唔會爭時間啦,因為我個人係點大家都清楚,唔會因為一個人而改變。」他更表示,三位紅顏知己也不會因為物質而呷醋:「如果佢哋鍾意買嘢就唔會喺我身邊啦,咩類人就會同咩類人一齊。」

鄧兆尊同「ViuTV女神」沈殷怡一齊上節目做嘉賓。(林迅景攝)

選擇女朋友有沒有標準?鄧兆尊自嘲說:「冇標準,你哋教我㗎嘛,『豬扒』,其實我睇人係睇內在美多啲。樣,個個都靚過,不過你唔知啫,年齡大咗就一定會衰老,唔係話唔靚我就要飛佢,呢啲唔係我做嘅嘢。」更謂自己十分懂得觀察一個女性:「通常我傾幾句就知佢係咩人。」最後,他更十分霸氣地拋出一句金句:「呢啲嘢(感情)唔係揀,係你撞到就撞到,係避唔到,好自然嘅,特登嗰啲唔會好長久。」

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。