執屋|婚後父母同住四人共用一毛巾  男嘉賓:帶埋外母上嚟執屋

撰文:鄺鈺瑩
出版:更新:
Ray婚後與老婆及父母同住,他透露老婆試過帶埋外母上嚟執屋,大讚好整齊。好意思講出口?(影片截圖)

ViuTV新節目《執屋》搵嚟「雜物諮詢師」阿橙,連同兩位主持人,去到唔同嘅家庭幫大家斷捨離,第一集女嘉賓Jessie連梳化都要打直放置,震撼了不少觀眾。第二集男嘉賓Ray同埋老婆凱儀以及父母,一家四口同住。

「01最賞睇娛樂大獎」即日起至12月23日接受投票喇,答埋簡單問題,隨時贏最新5G手機12 Pro!

Ray 同老婆間房都算整齊,不過老婆原來有唔少嘢仲放置喺娘家。(影片截圖)

就節目所見,Ray嘅屋企有唔少櫃、層架,但都叫整齊,Ray就好老實咁話老婆試過帶埋外母一齊上嚟執屋。斷捨離前,屋物諮詢師通常都會巡一巡間屋,但今集最大問題係由於Ray父母都不在場,所以好多嘢都決定唔到係留定棄,就好似喺廚房搵出非常佔位置嘅大花樽時同已拆卸嘅浴室寶時,大家都猶豫不決,最後要打電話問Ray嘅媽媽,對方表示「其實無用,不過唔捨得丟」。

一家四口共用一條毛巾(紅圈),會唔會太唔衛生?(影片截圖)

之後一行人去到洗手間時,Ray提到最唔滿意嘅地方係一個成日會撞頭、踢腳嘅架,但既然全家都對呢個架咁不滿,點解至今依然存在呢?咪就係懶囉。之後雜物諮詢師問到點解整個浴室會只得一條毛巾,Ray就話:「其實老婆搬入嚟之後,我已經同佢哋講想一人一條毛巾,但而家其實係全家共用一條毛巾,濕晒先會換……」或者係無位掛毛巾,定呢家人關係親密到可以共用毛巾?Ray嘅解釋係父母唔喜歡在玻璃門上貼掛勾,又反對在牆身上鑽洞,所以才會全家共用一條毛巾!主持人隨即時拎出「不留痕掛勾」仲幫埋Ray貼上牆,再教埋佢點樣放置四條毛巾……

點擊下圖睇如何共用毛巾

+23

同場加映 : 執屋|女嘉賓屋企搵出42年歷史利賓納 ViuTV新節目教斷捨離

+23