早霸王|男聽眾挽救婚姻講到喊 前妻即拆穿謊言:唔需要做無謂嘢

撰文:鄺鈺瑩
出版:更新:
男聽眾想挽救婚姻,仲講到喊。(影片截圖)

男聽眾Felix件初同老婆離婚後,有感失去了才珍惜,所以希望藉《早霸王》嘅「你知道唔知道有人掛住你」環節挽救一下。之不過,原來呢位男聽眾所講嘅嘢極度有保留,最後被前妻Cathy即時拆穿,仲勸佢「唔需要做埋啲無謂嘢,大家move on啦」……

男聽眾表示結婚初期同太太都好幸福,但後來開始溝通唔到。(影片截圖)

男聽眾Felix表示2010年與Cathy相戀,6年後買樓兼結婚,他說:「不過可能我太幸福,所以唔識捉緊」森美聞言後,即時表示:「呢個唔關幸福事,你好明確係做錯嘢,係未有第二個?」Felix話自己去年與女同事太過密切、曖昧,又強調與對方比較好傾,但從來無諗過喺埋一齊。問到二人曖昧到咩程度時,Felix表示:「拖手,比人影到相。」森美就話:「咁唔係曖昧喎,你係有嘢。」

又話唔明點解老婆身邊嘅朋友個個都勸離婚,認為她可以搵到更好的。(影片截圖)

強調與女同事只係曖昧嘅Felix仲話老婆好決絕,今年初簽紙離婚,講講下仲喊埋:「大家都認為分開下會好啲,可能佢已經習慣無咗我,但我唔想……」又話離婚後,有嘗試挽救,例如喺對方屋企樓下掛上道歉橫額等等,無奈對方態度十分決絕。

結果被前妻踢爆講大話……(影片截圖)

電話接通Cathy後,佢表示估到邊個會致電節目,並謂:「女人死咗心就係死咗心。」Cathy直指前夫大話一個接一個:「佢一開始話想自己去旅行,被同事踢爆原來係與女同事同行,我折穿佢先肯認,我有比機會佢,但佢唔肯斷纜。」Cathy有感Felix完全唔知錯,覺得對方無得救,所以才決定離婚,最後她更說:「佢呢排係有搵我,但我想同佢講唔需要做埋無謂嘢,大家move on啦」

同場加影:劉穎鏇1.76米都未算最高 盤點無綫高妹花旦邊個先係冠軍?

點擊睇劉穎鏇同陳曉華靚相靚相:

+4
+3