黃建東被指愈來愈靚仔 蘋果肌飽滿驚變阿KEN:寧願整薄啲個嘴

撰文:洪曉璇
出版:更新:
《陀槍師姐2021》,陳豪同宣萱帶領懸案小組追查奇案笑料百出,當中飾演GD嘅黃建東佔戲甚重。(受訪者提供)
+3

TVB熱播劇集《陀槍師姐2021》,陳豪同宣萱帶領懸案小組追查奇案笑料百出,當中飾演GD嘅黃建東佔戲甚重。近日有網友搵返去年中拍攝時黃建東嘅側拍照,話佢似足芭比公仔男友Ken,仲話佢同10年前選港男時樣貌相距甚遠。佢接受《香港01》訪問時笑言:「激死我,咁多人唔似,無諗過俾人話似阿KEN。」

入行十年,黃建東外形真係好大變化。(受訪者提供)
黃建東曾經高達210磅。(受訪者提供)

去年年中拍緊《陀槍師姐2021》時,黃建東一張自拍照寫上「完美。#我講緊啲燈#零P圖」引發佢班朋友瘋狂P圖,由於蘋果肌過度飽滿,被指竟然同芭比公仔男友同巴西型男真人Ken撞樣,近日劇集播出後再次被翻炒。佢接受《香港01》訪問時笑言:「我都無諗過俾人話似阿KEN,激死我,咁多人唔似,我自己就唔覺有變靚咗,阿媽日哦夜哦話我雙下巴太勁,比起行時真係愈來愈肥。入行後可能多咗去美容院做下機保養,剛入行又未識化妝,所有可能有分別。啲人話我蘋果肌勁同咀厚,其實我由細到大都係咁,所以見到啲人話我去整容,我真係寧願去整薄啲個咀同整扁返啲顴骨。」

+13