曾志偉出席新春節目拒談人事變動：今日淨係講開心嘢
撰文：吳子生
出版：更新：
曾志偉強勢回歸無綫出任副總經理兼行政委員會特別顧問，接手改革綜藝科。今日（12/1）大年初一，志偉現身電視城出席「金牛獻瑞賀新禧」直播節目，並首次會晤新聞界。
被問到將來發展方向大計？志偉表示：「大計就唔好今日講喇，因為今日開心，咁所以我會再一次同大家見面再講。其實所有嘢我覺得做電視同香港市民分唔開，咁所以我返嚟同大家一樣祝福香港，所以有6個字形容我今次返嚟嘅心情，就係希望我哋能夠做到同香港共同進步，亦希望我哋香港要團結，我哋Tvb要團結，最後就係要開心。其實冇嘢係會分開，因為Tvb係服務香港市民，所以所有嘢同香港市民係同一個呼吸及同一個步伐。」
曾志偉新官上任至今，首次會晤傳媒。（陳順禎攝）
被問到搵何麗全回巢幫手，志偉直言：「嗰啲嘢遲啲慢慢講，今日淨係講開心嘢。至於喺節目製作及行政上，希望大家畀啲時間我，我都係啱啱返嚟，又坐唔慣寫字樓，搞到今日返工唔記得帶鎖匙，推門又推錯咗，又俾人影到。（人事會否有變動？）今日唔講工事，遲吓先，其實我都係返咗嚟3日，希望大家畀啲時間我。」
問到人事會否有變動，曾志偉未有正面回答。（陳順禎攝）
+8