姜麗文忽然肚漲似十月懷胎 巨肚劇痛難擋:最糟糕是沒有治癒方法

撰文:洪曉璇
出版:更新:
姜麗文早2日仲扮到靚一靚影賀年照。(IG:@lesleychianglove)

本來上年2月已經同圈外男友拉埋天窗嘅Lesley姜麗文,呢日突然貼出巨肚照,明明早幾日佢先著住貼身紅裙影賀年照,大肚速度快得驚人,但原來佢並唔係懷孕而係受病患困擾:「返到屋企個肚就脹到咁,非常之痛。」Lesley接受《香港01》訪問時表示:「大約3年前知道有麩質敏感。」

姜麗文2月16日中午貼出巨肚照,大家想恭喜佢之際先知係受病患困擾。(IG:@lesleychianglove)

好多都市人都有麩質敏感,即存在於小麥、大麥、黑麥,以至麥芽嘅蛋白質,平時要戒食所有麥製食品,如麵包、蛋糕、意粉、餅乾、薄餅等,Lesley呢日就係誤食導致病發:「好多人會問我,如果食咗Gluten會點... 尋日唔小心食咗兩粒龍鬚糖(我以為只係糖同花生!原來有麥!)返到屋企個肚就脹到咁,非常之痛,通常會痛多三四日先好返...兩粒龍鬚糖就變成咁! 有冇人好似我咁要Gluten-Free? 起碼有得食飯同米做嘅嘢已經好感恩了#NOTpregnant #唔係有咗 #唔使恭喜我住 #除非係恭喜發財」

姜麗文平時食嘢都相當小心,已經戒麩質3年。(IG:@lesleychianglove)

留言一出引來唔少網友共鳴,Lesley無奈表示:「最糟糕的是沒有治癒方法!!要終身戒麩質。」佢接受《香港01》訪問時表示:「因為我本身有Endometriosis(子宮內膜異位症),一直有肚脹肚痛問題,近年愈來愈嚴重先去睇醫生,佢叫我一定要戒麩質,好多女仔有Endometriosis都唔知道其實係唔應該食gluten,我通常食嘢都分得好清楚,但係龍鬚糖真係唔小心以為係冇gluten。可能因為我嘅麩質敏感源於endometriosis, 唔係因為普通敏感,所以好似好嚴重反應咁。未婚夫都好照顧我,不過呢個病同遺傳無太大關係,唔會因此影響我地生育計劃。」

+25
你可能感興趣