羅啟豪今日（15/3）現身將軍澳出席《還未分享的歌單》新歌發佈會。羅啟豪接受《香港01》訪問時表示：「其實首新歌諗住喺11月初推出，但最終都會喺嚟近4月會出，而啱啱就錄好咗個MV，而今次嘅MV做法亦好特別，係動用咗30至50人都會出現喺MV入面，但其實入邊大部份人都係我啲同學嚟，而每個人都會有個人嘅鏡頭，有佢哋嘅參與我非常之開心。」

講到歌詞，啟豪表示：「其實首歌嘅內容都係講緊自己，因為首歌我覺得好好聽，於是就會分享俾身邊嘅朋友聽，甚至乎我係有啲強迫症，係會去強迫啲朋友要佢哋分享俾其他人聽。」