43歲的黃建東近年憑《福祿壽訓練學院》成功彈起，知名度有所上升，扮嘢才華亦受到好評。激瘦30磅後的他除了升呢擔任TVB大騷司儀，主持工作更接踵而來，日前他更獲邀飛到荷蘭為晚宴做主持和唱歌，非常厲害！

黃建東在IG透露：「各位，我終於上機喇，啟程去荷蘭為晚宴做主持和唱歌！🎤🎼因為咁大個仔第一次去歐洲，之後會 stay Amsterdam -> Paris -> Berlin，呢兩個星期忙緊 book嘢安排行程，最緊要希望平安順利。好開心第一次同我親愛嘅經理人一齊搭飛機出trip，her name is Anjattnet，好多謝佢嘅照顧唷～😘❤️謝謝客戶嘅邀請，14個小時 flight即將展開~」照片中，黃建東更獲安排坐商務艙，受到重視，而好友何廣沛就提醒他小心扒手！