古淖文今晚（20/5）現身西貢出席慈善音樂騷。提到《中年好聲音3》結果由黃博稱冠，張與辰奪亞軍、劉洋僅獲季軍，有網民不滿賽果質疑有黑幕。

古淖文就事件接受《香港01》訪問時說：「話有黑幕，我諗後面個幕咪說係黑幕。其實不過講真，都係要睇最後個狀態係點，就好似當年我咁，好多人都以為譚輝智攞冠軍，咁所以都係睇最後嘅狀態而定。」

對於有網民批評他化妝過白似死人，古淖文表示：「其實我都有睇到網民對我嘅批評，話我化得好白，其實我自己都知，係因為本身我係一個好慳儉嘅人，因為之前買咗一支比較白嘅粉底液，變咗我又唔想嘥咗佢，所以咪用埋佢先囉。而之前公司都有同我化黑啲，但化咗出嚟嘅效果好唔精神，同埋好憔悴。不過聽完大家咁講，我呢兩日就化返冇咁白先，襯返條頸啲膚色先。之後唔好再話我化到好似紙紮公仔咁，唔好再話我咩妖呀。」