應屆環球小姐冠軍姚祖恩（Jojo）、亞軍甄蕎（Yan Kiu））和季軍雷莊𠒇（Juliette)今日（21/7）齊齊現身銅鑼灣出席《2025香港區環球小姐》初選面試擔任評審。早前有傳今屆環球小姐冠軍獎金總額從去年的約100萬元大幅縮減至30萬，而亞軍及季軍獎金亦沒有改變，分別可得20萬及10萬港元現金獎。

姚祖恩接受《香港01》訪問時表示：「今年冠軍獎金係少咗少少，可能上一屆係第一次搞返，咁所以想用一個大啲嘅噱頭去吸引大家。我諗上年係搞得咁好睇，變咗今年大會就冇再咁大嘅噱頭，變咗係縮咗少少。」雷莊𠒇接著說：「其實獎金少咗，相信係冇影響。因為我覺得嚟參加得嘅人，相信唔係為錢，而係想代表香港踏上國際舞台上。」

被問到獎金獎是否已到手？雷莊𠒇和甄蕎異口同聲表示已到手。相反姚祖恩就表示未收足：「其實我呢啲好隨心嘅，相信佢哋係會記得嘅。（仲爭幾多錢未俾？）其實我都係佛系，得閒見到個戶口有增長都ok囉。不過講真喺呢段時間我係每日月不停咁去追佢哋，佢哋會話遲啲會有，一拖再拖，我確實係追得好辛苦。」