陳家樂和愛妻連詩雅今日（8/1）現身銅鑼灣出席活動。連詩雅接受《香港01》訪問時表示：「好開心2026年嘅第一個活動可以夫妻檔，希望全年都係一個好嘅運啦。雖然話係一齊做嘢，但我哋經濟係好獨立，所以佢都唔可以唔畀我買嘢俾個女。」陳家樂接著說：「我哋互不干涉大家嘅工作，因為我有我嘅工作團隊，佢有佢嘅工作團隊。」

提到剛過去的聖誕節在社交平台分享全家照，氣氛溫馨洋溢。連詩雅笑言：「在我強迫之下呢啲點少得要照全家福。我覺得喜慶日子點都要影。」陳家樂表示：「以佢嘅性格新年佢會買一啲應節嘅服飾去襯返個節日，其實咁樣唔係唔好，但對我嚟講會好攰。因為要湊住個BB要佢好乖咁俾大家影相，係唔係一件容易嘅事嚟，即係你可能影1000張相，跟住先有一張相佢真係坐到定定望住個鏡頭，所以係一件好攰嘅事嚟。」