「阿姐」汪明荃近日舉辦「Liza & Friends V ll 摰友樂聚」香港中樂團籌款晚會，她早已開聲邀請港姐冠軍翁嘉穗（Virginia）富商老公鄔友正擔任嘉賓。日前鄔友正上載表演片段，阿姐竟在台上當眾窒爆鄔友正！

阿姐汪明荃演台上串爆鄔友正

阿姐在台上先將鄔友正捧為「我嘅老闆」，之後又笑問：「點解你做開生意，又嚟唱歌嘅？」鄔友正回答因覺得好玩，又對身體好，阿姐串爆：「你而家先知呀？」鄔友正大方笑說：「舊年先知！」鄔友正揚言想開演唱會，阿姐又說：「你諗得太容易啦！」

鄔友正邀汪明荃做嘉賓慘「食檸檬」

鄔友正續指計劃在東莞「細細哋」開演唱會，邀阿姐做嘉賓，阿姐再說：「細嘅我唔嚟啦！」鄔友正指想唱《笑看風雲》，阿姐指：「《笑看風雲》你都夠膽唱？好難㗎喎，秋官唱㗎喎！」鄔友正轉數快道：「難唱咪好囉，唱得唔好都有籍口。」獲阿姐激讚口才好，「果然係做生意嘅人！」兩人互動充滿火花又搞笑，關係極佳！