郭晉安其個人資料於2025年底從TVB官網藝員名單中「悄悄消失」，及後證實正式離巢，結束多年賓主關係。雖然沒太多演藝工作，但他坦言因為打理生意，所以生活還是相當忙碌。早前接受《香港01》訪問時，郭晉安表示：「本身有檔生意都要定期開會，另外有一隊藝人成立嘅網球隊，要帶領呢隊網球返中國做友誼賽，最主要做一啲慈善活動。」問到幕前的工作近況，他就表示希望休息一段時間：「幕前......我唔知道算唔算轉型去球類運動，都喺幕前做緊。至於拍劇就停一停先囉，因為自己都想抖吓。（休息幾耐？）未知，等到有劇本出現嘅時候先再傾。」

做運動被野生捕獲後生20年

最近郭晉安在做運動時，被網民野生捕獲，雖然已經61歲，但睇落最多似40出頭，竟然突然回春！其實絕不出奇，大家都知道拍劇拍戲經常都要捱更抵夜，暫時放下這種生活絕對可以重新調理身體，活得更健康自在，難怪郭晉安都說要停一停休息一下。