乘風破浪的姐姐|容祖兒喉嚨針灸 蔡卓妍嫌辛苦拒參加:我會痴線

撰文:
最後更新日期:

蔡卓妍(阿Sa)周五(26日)出席即食麵品牌紀念館開幕禮,談起Twins將在五月迎來出道20周年,阿Sa就率先透露會出新歌:「已經錄緊音,都幾感動!5月就會會合阿嬌(鍾欣潼)一齊拍下節目;嚟緊會有演唱會,但應該唔會係今年發生,因為搶唔到場地,希望出年5月前開到。」

阿Sa亦不時在IG大方曬素顏照,令大眾不禁感歎現年38歲的她保養得很好,她就笑言自己什麼都吃,其實沒什麼秘訣:「保持心境開朗,仲有皮膚最緊要乾淨,化妝要落得乾淨,就算冇化妝都要Keep住洗面!以前細個就食極都唔肥,但年紀大咗就一定要做好多運動,唔只為身體,連皮膚都會好啲,活躍啲、跳多啲去保持機能。」

點撃睇更多蔡卓妍靚相:

+46
+46
+46

說起好閨蜜容祖兒(Joey)近日忙於拍攝內地真人騷《乘風破浪的姐姐2》,身體不適的她更要在頸部施針,阿Sa亦率先關心:「佢用得太多聲喇,但冇事都係針灸保養下。」至於阿Sa下季會否有意欲參賽,她就耍手擰頭說:「我諗我未必得,因為我太懶喇,好辛苦,Joey每一日淨係瞓得三個鐘,但我鍾意就係瞓覺,我諗我搞唔掂!我唔介意排舞,但每日瞓三個鐘我諗我會痴線!」阿Sa雖久未與Joey碰面,但她就指Twins與Joey三人年中會合作拍節目。

+11
+11
+11


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。