東張西望|廖啟智曾因憶亡兒情緒崩潰:因為冇得幫諾諾蓋被

撰文:鄺鈺瑩
出版:更新:
今晚播出的《東張西望》,用了差不多半小時回顧智叔的一生。(影片截圖)

資深演員廖啟智昨晚(28日)因胃癌逝世,終年66歲。喺今晚(29日)播出嘅《東張西望》,訪問了多位智叔嘅好友,當中包括江美儀、米雪、田啟文(田雞),而鮑起靜提到近年身邊好友、同行相繼離去時,一度感觸落淚:「好遺憾係一心諗住佢會好返,想同佢食嘢、行山,可惜已經無呢個機會。」

智叔在《歡樂今宵》扮演過不同的人物,當中除Boy George外,他亦扮過盧冠廷。(影片截圖)

與智叔相識40年的田啟文(田雞)透露在智叔臨終前曾收到對方電話:「幾年前,智叔想做導演,搵我做監製,直到兩星期前,佢有日搵我,叫我唔好等佢,叫我繼續搞部戲,佢話自己死咗兩次,心臟停咗兩次,被醫生救返……呢個係佢未了嘅心願,所以交代我繼續搞部戲,到前日,佢仲問我呢件事,問我會唔會因為佢唔喺度,部戲而停下來,我答應佢一定完成,咁佢聽完之後,可能係了咗心事,所以走咗。」

田雞透露智叔生前曾有意做導演,唯自己知道患癌後,曾致電田雞,並著對方「唔好等佢」。(影片截圖)

節目中,亦有回顧了智叔與陳敏兒嘅愛情故事,提到當年陳敏兒嫁給智叔時,由於當時已經係一線花旦,故引起女尊男卑的爭議,好友吳麗珠接受訪問時,指二人的感情一直走來不易,但她記得曾在TVB化妝間見智叔非常溫柔照顧陳敏兒,故十分難忘。

智叔跟陳敏兒邂逅於1979年的無綫第8期藝員訓練班,二人於87年拉埋天窗。(影片截圖)

另外,節目中亦播出智叔生前講及細仔廖文諾的片段,「因為冇得幫諾諾蓋被,我好傷感,一下子喊咗出嚟,我太太、大仔、二仔都呆一呆,然後二仔講一句『成家人最老係你,最快見到諾諾係你,喊咩啫?』」如今回看,可以說是感慨萬分。

米雪接受訪問時,透露與智叔行山時,他都十分調皮。(影片截圖)

點擊下圖睇智叔扮鬼扮馬片段

+15

點擊下圖睇智叔與陳敏兒感情路

+20

廖啟智逝世|金牌綠葉唯一一次封影帝 五部遺作包括《尋秦記》

廖啟智逝世 | 入行逾40年演技備受肯定 除了兩奪金像獎更是劇帝

【點五步】「校長」廖啟智助學生入戲:幻想在金像獎行紅地氈

發表評論...