逆天奇案|馮盈盈飲到爛醉被上下其手 唔怕蝕底親身上陣:有共識

撰文:董欣琪
出版:更新:

在TVB新劇《逆天奇案》中飾演電腦黑客Ana的馮盈盈,繼早前登場大騷小蠻腰之後,在昨晚(6日)播出的一集中又有新突破!劇情講到Ana夜蒲偶遇森Sir(陳展鵬飾),當中以豹紋超貼身短裙上陣的盈盈,不但盡顯傲人身材,更大曬長腿,超狂野造型令人眼前一亮!

Ana(馮盈盈飾)夜蒲偶遇森Sir(陳展鵬飾)。(YouTube影片截圖)

雖然盈盈一向言論出位又大膽,但她就直言豹紋Look對她來說都好難Carry,她在接受《香港01》訪問時表示感覺新鮮:「因為其實我自己係未着過豹紋嘅裙啦,亦都未試過有類似嘅造型會着出街。咁都知道着呢條裙、呢個造型要小心啲,咁所以嗰日拍攝嘅時候動作上都會斯文啲啦,而且啲同事們都幫我做足晒安全措施,同埋幫我睇住嘅,確保唔會有意外發生,好多謝佢哋啦。」

盈盈今次都係首度挑戰豹紋造型。(IG@crystalfyy)

點擊下圖睇盈盈更多性感造型:

+69

劇中Ana飲到爛醉後遇到一位外籍人士,更險被「執屍」,對方聲稱帶她去酒吧,但上車後就對她上下其手,又摸面又狂摸大髀,不過幸好Ana即時清醒,謊稱要去梳洗才逃出魔掌,一落車就起飛腳攻擊對方,而森Sir就及時出現化險為夷。不少觀眾都擔心盈盈被人狂摸好「蝕底」,但她就表示在拍攝過程中完全不尷尬:「我同嗰位對手都好專業嘅,大家事前其實都溝通好有晒共識,傾好咗點樣拍,咁所以到埋位嘅時候一take就完成咗,冇NG,所以亦都唔會有尷尬嘅感覺,因為都已經有足夠嘅溝通,所以放心,冇事冇事!」果然敬業!

點擊下圖逐格重溫:

+54
發表評論...