逆天奇案|阿旦鄧洢玲客串跳艷舞 未考慮簽TVB:而家自由度幾大

撰文:董欣琪
出版:更新:

在TVB新劇《逆天奇案》中飾演電腦黑客Ana的馮盈盈,每次出場都以性感造型上陣,大騷好身材。在昨晚(12日)播出的一集中,Ana與細魏生(陳少邦飾)去到一間酒吧,期間有一位靚女在細魏生面前大跳艷舞,一時撥頭髮,一時趴低,成功吸引細魏生關注,不少觀眾都認出她就是鄧洢玲(阿旦),更大讚她比馮盈盈更加搶鏡!

鄧洢玲(阿旦)大跳艷舞!(YouTube影片截圖)

重溫性感演出:

+33

雖然阿旦出場只有短短幾分鐘,但她在接受《香港01》訪問時就透露為了這場戲做足準備:「唔好睇我眼神好似好銳利,其實我係唔識跳呢啲sexy dance,我仲因為呢組劇去排咗隻舞添。同劇啲演員全部都好nice嘅,我有個friend仲特登過嚟,佢有跳舞底子,佢就幫我睇一睇,執一執我啲舞囉。因為我又有啲怕醜,好好呀佢哋,同埋雖然係嗰幾個shot啦,見唔到我真係跳舞,但係嗰日拍嘅時候係有播歌,真係跳成隻舞嘅,分幾鐘,跟住佢就揀咗某啲啱用嘅shot咁囉。」

阿旦直言有啲怕醜!(YouTube影片截圖)

劇中阿旦被細魏生𥄫實並問道:「係咪真㗎?」而阿旦就答道:「梗係真啦,如假包換。」阿旦過往經常因為傲人身材而受到關注,但她就直言自己曾經好抗拒:「我以前都真係會㗎,以前以往有好多唔同角色可能都係要求性感,跟住我又好驚被定型啦,所以以前細個都miss咗好多唔同嘅機會。而家諗返轉頭我覺得冇所謂嘅,最緊要係自己做嘅時候覺得ok啦,舒服啦,出嚟效果係靚,同埋如果真係角色需要我覺得係可以接受嘅。」

阿旦因為傲人身材而受到關注。(IG@cutiegg)
+54

在17歲開始做雜誌模特兒的阿旦,是初代𡃁模之一,近年因為擔任ViuTV節目《晚吹-啪啪聲,太好聽》主持成功令知名度大增,不過她在2017年就完約,回復自由身,更曾亮相由田蕊妮主持的節目《女人四十》,當時都掀起網民熱烈討論。今次客串拍劇,阿旦就透露全靠導演牽線:「其實已經係1年半前拍㗎喇...當時已經完晒ViuTV約,咁啱導演問我有冇興趣客串,拍劇拍戲even舞台劇呢啲我全部都有興趣㗎,睇下係咩角色囉。(會唔會考慮簽TVB?)再睇下情況係點啦,因為其實而家做Freelance嘅自由度都幾大,都幾開心嘅。同埋而家同以前有啲唔同,我覺得可以百花齊放,如果唔同嘅平台都可以合作,有多啲機遇或者多啲演出嘅機會都係好嘅。」

阿旦曾亮相由田蕊妮主持的節目《女人四十》。(電視截圖)
發表評論...