方力申對玩交友App已失去興趣 呻從未收過露骨訊息:我都想睇下

撰文:趙允琳
出版:更新:

方力申今日(17日)現身將軍澳電視城出席《2020東京奧運會》記者招待會,曾於04年雅典奧運及08北京奧運到當地直擊現場實況的他,今屆亦被委派做外景隊前往東京而深感興奮:「一個不一樣嘅奧運會真係好想參與,作為一個運動員,想唔想去,係一定想去!」

方力申坦言已經為出發東京而打好第一針的新冠疫苗,亦表示到步必定跟足當地的防疫措施好好保護自己。(梁碧玲 攝)

小方於17年前直播雅典奧運期間因為與葉璇度橋對稿期間講出一句「跟住你寸我吖嘛」,卻因為提早被攝影機播出街而令人誤會兩人不和,他坦言雖然當時年紀少不知如何應對突發情況而露出尷尬樣,但現時發生一樣的事情一樣不知如何招架:「我喺呢17年嚟,主持嘅技術冇進步過,如果有同樣嘅事情發生我一樣會令大家誤會,所以就要睇下今次係邊個,頭先麥美恩叫我寸佢喎!如果我同麥美恩一齊做就可能會有呢個火花出現!」

小方表示不排除會與麥美恩再上演一次「寸人」橋段,可能會更有火花。(梁碧玲 攝)

自從與Stephy於2016年分手之後,41歲的小方至今仍未公開戀愛過,日前他在節目《諸朋好友》中更自爆於一年前開始於交友App認識女仔,他表示自從節目出街之後多了很多人在app上add自己:「好多人相信我係真嘅(方力申),但反而我一個人都冇傾偈,認真我覺得開始覺得悶,由我一開始覺得好新鮮好多素人,但我真係唔會大膽咁唔識對方嘅背景,憑佢寫乜就約佢出嚟,真係唔敢,所以我好快都唔會玩喇!(有冇女仔send啲好露骨嘅嘢畀你?)冇喎!我都想睇下!但係冇啊,真係!(有冇鍾意啲咩類型嘅女仔?)冇啊,唔知啊!畀啲相嚟睇下先啦!」

方力申表示自己已經對於用交友app識女仔失去興趣。(梁碧玲 攝)

不少網民都對於小方要用交友app認識女仔而大感驚訝,認為他身邊已經有不少靚女朋友,應該不缺女朋友人選,他卻大呼實在是天大的誤會:「其實大家成日都覺得我身邊永遠都有好多女朋友,我入行20年都係咁,但無論男仔女仔都好,可能工作環境令社交圈子真係好細,或者因為身份或職業令佢哋唔敢咁容易相信人真係搵唔到另一半,但佢哋嘅質素亦都好多都好好,呢樣嘢係真係唔出奇!」

+14