逆天奇案|陳偉洪與TVB已完約 直認冇經理人輸蝕:親生仔着數啲

撰文:董欣琪
出版:更新:

TVB劇集《逆天奇案》除了一眾主演陳展鵬、黃智賢、林夏薇、馮盈盈等備受關注之外,森Sir(陳展鵬飾)同Nic Sir(黃智賢飾)的一班下屬亦有不少戲份,當中飾演Rocky的陳偉洪,在劇中經常着背心示人,超大隻身形相當吸睛,原來當時他剛剛參加完健美比賽,所以身形特別Fit!陳偉洪在接受《香港01》訪問時透露他是在2019年完賽後開始拍攝:「呢個係我人生最大隻最巔峰嘅時候,比起香港先生嗰陣更加大隻,啲衫呀全部都唔啱着,咁啱個角色全部都着背心,除咗兩場法庭戲之外。」

陳偉洪在劇中經常着背心示人。(IG@imcalchan)
+37
陳偉洪在2019年花了三個月時間操肌,參加健美比賽。(IG@imcalchan)

在2009年參選香港先生奪得少年組冠軍後入行的陳偉洪,入行已經12年,雖然Keep住有劇拍,但原來他一直以來都未有機會簽經理人合約:「啱啱選完港男出嚟公司都冇叫我做『親生仔』,其實自己都驚嘅,始終嗰陣得18、19歲,冇個經理人凑住會驚闖禍呀,唔識Social,唔識主動見監製、高層,所以係輸蝕嘅,自己又比較內向啲。之後入到訓練班,再出嚟拍劇,嗰陣都還好,有Casting,公司都有畀好多機會我,但五六年之後發覺『親生仔』真係着數啲喎,因為有時同高層見面都會安排佢哋去,咁自己當然有少少唔開心啦,唯有努力啲做好自己等公司簽啦,但係一路都冇啦。直至近年更加發覺『親生仔』機會係多啲嘅,因為我轉咗一騷合約,變相機會真係少咗嘅。」

陳偉洪一直以來都未有機會簽經理人合約,他亦坦言相比起「親生仔」,自己的確比較輸蝕。(IG@imcalchan)

陳偉洪透露自己的合約至5月正式完結,但暫時未有新計劃:「其實呢一刻就完咗,仲等緊公司安排啦,不過無論結果係點都好,我都會繼續做演員,始終自己都熱愛呢個職業。」除了做演員之外,陳偉洪亦有兼職做健身教練:「唔使拍嘢嘅日子,我就會教學生健身,幫補一下自己嘅收入,另外而家出面有Casting嘅機會我都會嘗試嘅。」

陳偉洪兼職做健身教練。(IG@imcalchan)

觀眾對陳偉洪的印象似乎一直停留在2011年《點解阿Sir係阿Sir》中的蔣進一角,而他亦直言希望有突破:「當然期待會有另一個蓋過蔣進嘅角色,希望有呢個機會,我覺得係經歷嚟嘅,因為演員始終需要磨練一下。前兩年台慶我贏咗二獎,咁我就即刻去報咗戲劇班、唱歌班,希望改進一下聲線。轉咗One騷之後機會少咗,自己好渴望有機會,所以準備好自己,希望機會嚟嘅時候自己捉得住。」

+25
發表評論...