寶寶大過天|岑麗香龔慈恩母女和解戲打動人心 連陳自瑤都睇到喊

撰文:董欣琪
出版:更新:

TVB新劇《寶寶大過天》除了講述新手父母的辛酸點滴之外,還探討了父母與子女兩代人的溝通問題。劇中Diana(龔慈恩飾)是一位專制外母,出盡絕招為孫女童童(梁芯語飾)鋪路入讀貴族幼稚園,游在山(馬國明飾)為了逃離外母的魔掌,游說老婆悠悠(岑麗香飾)一家三口搬出去自住,但悠悠回想起當初激到媽咪大動脈撕裂,內心非常糾結。

游在山(馬國明飾)直言遲早被外母逼到癲!(YouTube影片截圖)
悠悠回想起當初激到媽咪大動脈撕裂,覺得好內疚。(YouTube影片截圖)
+21

劇中童童到了「Trouble Two」時期,樣樣都Say No,搞到悠悠非常頭痛,但亦令她開始明白為人父母的辛酸:「我而家做咗人阿媽,我先真係明白,我細個嗰陣時每次反抗佢,都係好狠好狠咁Hurt緊佢個心呀!每次諗起我細個嗰陣時點樣駁嘴,我都好想大巴大巴咁星呢個忤逆女!」但最後悠悠還是忍無可忍,提出要搬走,更揚言要捍衛自己的家庭同婚姻,母女鬧翻!

悠悠提出要搬走,母女鬧翻!(電視截圖)

雖然劇中龔慈恩飾演的媽咪猶如一個操控狂,態度強勢,又插手女兒的生活,但其實十分痛錫個女,回想當日悠悠臨盆之時,Diana的一番說話完全道出天下媽媽的心聲:「保護個女係媽咪嘅責任,係媽咪嘅天職,你而家做咗媽咪,遲早你都會明白,我相信做媽咪嘅,永遠都唔需要,更加唔想要個女為咗自己而內疚,所以傻豬,對住我,你幾無賴都仲得呀!」

做媽媽嘅無論點樣都最錫個女。(電視截圖)
+12

最後悠悠讀到Diana留下的信時,字裏行間都可見一位媽咪對女兒無條件付出的愛,一路見證着女兒成長,組織家庭,再到為人母,令悠悠泣不成聲,終於同媽咪和解,解開心結,不少觀眾都大讚這場母女戲超具水準,細膩動人,兩母女相擁而泣的戲更令觀眾非常感動,而陳自瑤亦有發表感受:「好感動,我睇到喊。」網民紛紛留言大讚兩人的演出:「呢集又喊又笑,好感動」、「做咗人媽咪先明媽咪,香香演得好好」、「今集好多催淚彈」!

+29
發表評論...