Fight盡|鄭俊弘為拳賽兩星期喪減18磅︰大家千祈唔好學

撰文:李婉文
出版:更新:

無綫J2全新奧運特備節目《明星運動會前哨戰:Fight 盡》,將於周一(28日)至周五晚十一時至十一時半首播。為迎接奧運,TVB製作《明星運動會》,舉辦不同賽事讓全台藝人歌手參與,當中《明星運動會前哨戰:Fight盡》便以真人騷形式,播出各拳擊參賽者備戰決賽實況,讓觀眾親眼見證眾人有淚有汗的訓練過程,以及館內賽與各場初賽的激烈戰況。

Fred操練初期仍有少少肥。

是次賽事分男子組及女子組以分級制進行,參賽藝人及歌手有羅孝勇、李君妍、孟希璘、吳業坤、黃俊豪、何慈茵、朱斐斐、容天佑、鄭俊弘、鄒兆霆、潘梓鋒、海俊傑、謝東閔、關嘉敏、杜沚諾、吳雲甫及林慧儀。各選手分別有二至三星期時間備戰,賽事分「58公斤」、「60公斤」、「70公斤」及「78公斤」共四個組別,為了爭取進入最能增加勝算的組別,各參賽者各出奇謀瘋狂減磅,當中以鄭俊弘(Fred)的餐單和操練過程最為「地獄」,短短兩星期內極速減掉18磅,連Fred本人亦直認是逼不得已及切勿模仿。

只是過了兩個星期,Fred已經瘦了好多。

Fred表示︰「啱啱開始就一日兩餐,主要食魚或者雞胸加烚菜,頭嗰個星期都有少少調味料嘅。有時我會飲蛋白飲代替正餐,加幾湯匙麥皮同香蕉打埋一齊嚟飲。最後一個星期就再辛苦啲,每日只係食一餐!」雖然吸收能量少於常人,但Fred依然喪操增肌,十分地獄,他說:「第一個星期練拳大概每朝三小時,夜晚跑步一小時,去到最後一個星期就每日練兩次拳,再加埋跑步同跳繩。」他又指為了成功脫水,上磅前最後兩天幾乎滴水不沾,又經常浸熱水浴甩水:「兩星期落18磅係極端啲,過程都真係相當之辛苦同埋真係唔健康嘅,大家千祈唔好學。」

吳業坤狀態不錯。

而曾成功操出健碩腹肌的吳業坤(坤哥),在集訓期間獲隊友及教練大讚「有態」兼被形容為擅長反撲兼突襲的「猛獸」,看似頗有勝算。明顯一日瘦過一日的坤哥,透露備戰期間以「186飲食」減肥法,成功在2星期內減掉6公斤,「戰績」不輸Fred。本身兼具踢拳道及空手道經驗的坤哥,無論操練與甩水策略均與Fred無異,他透露除了意志力,最重要是膽量:「要訓練自己唔怕拳頭,唔怕創傷之餘仲要識得反擊,呢個係難度。我自己意志係ok嘅,因為以前練過腹肌。」他又解釋拼搏原因,是想看看舞台上與擂台上的吳業坤會有甚麼不一樣。

+7

同場加映︰多圖|高海寧性感衣着騷美好身段 狀態大勇連朱千雪都讚fit

+77
發表評論...