張敬軒突轉軚參加《我是歌手5》 網民失望:點解咁冇骨氣

撰文:
最後更新日期:

繼林憶蓮宣布參加湖南衛視節目《我是歌手5》之後,再有一名在香港為人熟悉的歌手在網上公開參賽消息,內地機會處處,北上掘金也是在所難免,不過今次參加的竟是曾經講過「大陸歌唱比賽唔啱自己玩」的張敬軒。

軒仔更分別在Instagram、微博及Facebook宣布:「希望籍此,能把一些自己喜歡的、自己的歌、別人的歌好好唱一遍。」

軒仔宣布參加《歌手》。(Instagram圖片)

其實早在2015年已有軒仔參加《我是歌手4》的消息,但當時有指因為軒仔被愛港行動召集人陳淨心舉報支持佔中,而被踢出節目,當時軒仔經理人霍汶希(Mani)表示從沒有落實參加,所以不存在「退出」或「被退出」,軒仔亦曾回應自己不太適合該類比賽。

事件一出,旋即引起網民熱論,微博上的歌迷當然熱烈歡迎,很多網民都表示:「終於等到你!」、「真的來了,張軒終於可以看到你和偶像林憶蓮姐姐同台了。」不過香港網民常用的平台Facebook和Instagram的反應就不太一致,有人話佢冇骨氣,當然亦有粉絲會表示支持軒仔,畢竟有好歌聽,歌迷一定歡喜:「有人失望有人歡喜,唔知軒仔係咪真係唔夠錢洗定點,但作為歌迷,有好歌聽就足夠。」亦有人叫他「記得香港就好。」

消息一出,網民瘋狂留言。(Instagram圖片)

同時亦有人高呼「失望!」,更有網民表示:

「我希望佢可以親自解釋下點解反口,講一套做一套。我由07年開始支持佢,鐘意佢唱得之餘,仲鐘意佢夠真,有性格。佢呢個決定令我幾乎對佢失去所有信心。」

「吒(叱)咤你係台上講過咩?話2017年要回歸音樂,做返啱啱出道,純粹好鐘意音樂嘅張敬軒!但而家你嘅行動係完全背道而馳!你幾時變成講一套做一套嘅人??」

「說好的不參加這些類似的比賽的呢?😭😭寶寶不開心」

「我都好失望,點解咁冇骨氣⋯⋯已經係有地位嘅歌手,仲要上呢d(啲)咁假嘅節目俾人評頭品足。」

「好失望 講話唔參加依家又參加 你本身已經係歌手 做乜仲要參加呢啲節目 !?唉 已經塵埃落定 唯有希望你唱多啲廣東歌😔😔😔😔😔😔」

「真心咩?😓講咗咁多次唔參加 宜(依)家自己拆自己台 唔好變宇宙人番(返)哦」

究竟軒仔為何轉軚參加《歌手》?(符祥定攝)

軒仔出生於廣州,是內地一般公務員家庭的孩子,於2011年在港居滿七年後才以優秀人才入境計劃獲得香港身份證及特區護照,嚴格而言是一個「新移民」,不過近年他熱衷於香港社運,冒着被內地封殺的危險支持、聲援及參與2014年的雨傘運動,亦因而深受網民的欣賞。

今次決定參加《歌手》定必會引來很多負評,始終在很多人眼中,《歌手》就是一個「造假」的節目,而究竟軒仔為何突然轉軚?就要有待他親自解畫。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。