李思捷睇過《大叔的愛》 唔OUT讚MIRROR專業:佢哋係努力返嚟

撰文:林迅景
出版:更新:

曾志偉回巢TVB出任無綫電視副總經理兼行政委員會特別顧問,同時王祖藍亦出任首席創意官,多個月TVB亦播出的新題材節目亦引來不少回響,相信大家都會有耳目一新的感覺。志偉哥回巢的同時也找回了很多以往合作過好拍檔。

李思捷今日(18/07)出席美容公司開幕活動,接受《香港01》訪問時,就暗示了自己將會回到TVB拍節目。

李思捷暗示將會在TVB拍新節目。(林迅景攝)

李思捷指自己即將會有新歌,他說:「我最近搞咗兩隻歌,遲啲就會出㗎啦,一個月後我都有新節目,關於節目嘅嘢就會話畀大家知,暫時就唔講得住,唔好意思,但係我一定會宣佈。」哪一個電視台?他賣關子的說:「未落手做呀,但係噏都噏咗100%㗎啦,到做嘅時候就可以講。」他表示最近忙新歌製作,還自己作曲、填詞、唱、拍MV一手包辦,十分厲害。「而家social media太方便,既然咁方便,點解唔試吓幕後、演員之外嘅嘢?」

李思捷今日(18/07)出席美容公司開幕活動。(林迅景攝)

有沒有留意男團MIRROR?他秒答:「梗係有啦,做呢行唔可以同個時代斷㗎嘛。人哋話佢好犀厲喎,你都要知點解佢哋咁叻,哦,原來佢哋係努力返嚟嘅,幾多屆歌唱比賽努力返嚟,要睇佢哋個故事。而家佢哋成功,大家就會認同,其實成件事好正能量。」李思捷還大讚他們很專業:「好齊!因為boy band,尤其是係十幾個人,第一件事一定要齊,因為唔齊嘅話,12把聲係唔會聽到唱乜,啲舞又齊,呢啲咪勤力囉!」問到近期的劇集,他就解釋自己習慣睇Netflix、Youtube、HBO等平台:「我啲時間畀晒佢哋!我知黃德斌有套劇好正,不過《大叔的愛》就只係睇咗兩嘢,我知有好多人讚。」他也表示也曾看過兩眼《刑偵日記》。

副總經理曾志偉以及首席創意官王祖藍均出席「超級綜藝 隆重登場」記者會。(梁碧玲攝)

曾志偉回巢TVB,有否找李思捷回去幫手?他笑了一笑,就說:「我一個月後先慢慢同大家講啦。(記者:我明啦)你終於捉到個點啦係咪?不過未必係㗎,可以喺嗰邊(ViuTV)㗎。」李思捷即是暗示會回巢拍節目?

+15
發表評論...