東京奧運｜劍擊界193張家朗奪金牌　193＠ERROR望組「386」拍廣告

現年24歲的劍神張家朗在東京奧運上睽違25年為香港奪得金牌，令全城氣氛狂熱之餘，亦被他不放棄的精神深受感動！出身籃球世家的張家朗身高193cm，提起193這個數字就不難令人聯想到當紅男團ERROR的成員193（郭嘉駿）。ViuTV節目《奧運有團伙精彩一夜》每晚都會找來ERROR成員回顧當日賽事，昨晚（26日）亦特意找來193講另一個193，193不忘一貫𢯎廣告作風，表示希望二人可組成「386」組合：「無論係電視界193定劍擊界193都係咁犀利！」ERROR一眾好兄弟亦不忘助攻，隊長肥仔（梁業）在個人IG寫道：「恭喜張家朗奪金，希望你返嚟香港我哋可以睇到『193劍神』對戰『193』。」阿Dee（何啟華）亦轉發張家朗奪金報道表示：「想睇193同193同場對話！193張：『知我咩料啦』193郭：『知我咩料啦』」