吳若希唔使做《姊姊淘》 有TVB高層「照住」專攻劇集:好感謝佢

撰文:林迅景
出版:更新:

無綫新劇《旁觀者》今日(9月3日)舉行開鏡儀式,此劇由周柏豪及王敏奕主演,以及吳若希、羅天宇、馬貫東及連詩雅聯合演出,陣容相當鼎盛,為求逼真劇組更與深水涉搭建一個咖啡店實景,製作相當認真。

吳若希在《旁觀者》中飾演反派。(葉志明攝)

同時,《旁觀者》也是吳若希自2019年多功能老婆後,事隔三年後再次拍劇。她接受《香港01》訪問時,表示今次是她首次飾演奸角。她說:「我喺劇入面嘅「裝速」係會浮誇50倍。我個角色同周柏豪都係一齊喺孤兒院長大,佢做殺手都係我培養出嚟。」

吳若希表示角色演反派時,難度在於,笑的時候要收起個酒窩。(葉志明攝)

問到飾演反派的難度,她笑說最大難處在於笑容:「我諗我拍咗兩個星期先習慣到個唔露齒嘅笑容,最難嘅位就係導演同監製要我收起個酒窩,佢哋話:『妳(笑)唔可以有酒粒,一有酒粒就變咗吳若希。』」她說,還好最後也克服了這個難題。

珍姐(曾勵珍)是現任香港電視廣播有限公司(TVB,無綫電視)助理總經理(戲劇製作)。(資料圖片)

對於最近有傳聞稱「吳若希是高層珍姐的愛將」,她直言:「多謝珍姐!我好感謝公司一路而來都畀機會我,由我第一套劇開始都係珍姐畀機會,所以如果相傳呢一句說話係真嘅話,我都好感謝佢。因為大家都覺得珍姐好惡,但係喺我心入面佢係非常之caring(照顧人),我會覺得佢係一個非常之好嘅媽媽,真心嘅。我記我有一次屋企發生咗啲嘢,佢好似教女咁教訓咗我一下,嗰次令我記到而家,嗰樣嘢我係有嘢袋咗落袋,同埋佢教過我,做戲唔係咁簡單,而係諗點解要咁做,所以,如果(嗰句說話係真)係要多謝佢。」

點擊下圖睇更多:

+29
發表評論...