我家無難事|「喊戲專業戶」又爆Seed 楊卓娜惡鬥賤男老公嗌離婚

撰文:林迅景
出版:更新:

《我家無難事》下周迎來結局篇,昨晚(8日)劇情發展繼續出人意表,除了得明(楊明飾)原來誤會了自己是郭忠石(關禮傑飾)親生兒子外,得寶(車婉婉飾)更驚爆並非羅美蘭(鮑起靜飾)親生女兒,與得勤(馬德鐘飾)及得明是同父異母兄弟姊妹關係。不過論到全晚最搶Fo,是飾演後生版美蘭的楊卓娜及年青版忠石的阮浩棕的回憶戲份。

呢幕爆Seed嗌離婚戲,連把聲都戲味十足,少啲演技都搞唔掂。

楊卓娜昨晚曬演技一段,是講述美蘭當年難忍老公不負責任兼爛滾,終爆Seed堅決離婚;厲害的是,卓娜全程沒有流過半滴眼淚,但單憑語氣已能感受其潛藏內心多年的憤慨及抑鬱,尤其聲嘶力竭地喊出:「我一樣可以憑我一個女人嘅力量,自己去撐起呢頭家,養大啲仔女!」以及「就算你打死我,我都係要離婚!」,更是聽到觀眾咬牙又痛心:「娜姐啲戲真係好!」、「呢啲回憶戲幾好睇」、「真催淚」,另更有很多網民關心美蘭老公生死。

為了深愛的女人,郭忠石甘願自我犧牲混黑道搵快錢;加上阮浩棕俊朗討好的外形,睇到唔少網民心心眼。

至於阮浩棕,除了演活「人在江湖,身不由己」的情深古惑仔外,其外形亦十分討好。昨晚一幕冒雨與黑道中人廝殺,以及滿臉鮮血的畫面,配以劇組專誠為二人愛情線創作的片尾曲《門外的世界》,觀眾看了無不動容:「做關禮傑後生個男仔喺天台唱歌個Feel幾好睇。」、「鮑姐同關禮傑後生條線幾好睇」、「首歌幾好聽,個男仔好靚仔」。對於演出備受關注,現時忙於拍攝《隱形戰隊》的阮浩棕謙虛指全是劇組功勞:「能夠畀觀眾留低咁好嘅印象我非常驚喜。好感激監製Amy姐搵我做年青郭忠石,亦都要多謝佢同編審編劇團隊寫咗一個咁好嘅角色同故事線。」

點擊睇更多精彩畫面:

+20