換命真相|張頴康澄清冇為NG鬧鄧佩儀 :我諗我NG多過佢啦!

撰文:邱愛霖
出版:更新:

有傳無綫(TVB)藝人鄧佩儀(Gloria)拍攝電視劇《換命真相》期間,因頻頻NG,連「好好先生」張頴康都發火鬧人,張頴康今日(7日)出席鄭俊弘和何雁詩婚宴,澄清二人冇鬧不和:「嗰個(鬧不和)上年已經講咗㗎啦!我都唔知點解講我同鄧佩儀唔啱。即係好好笑,話我喺片場鬧佢,我諗我NG多過佢啦!但NG其實冇問題嘅,但話我同佢唔啱,呢個我好難澄清,要問我啲同事,我啲同事會知我係咩人,我就唔會對同事做啲咩,何況係女同事。」

張頴康不解為何會有人指他與鄧佩儀鬧不和。(周倪瑩攝)

他又謂:「Gloria係一個好盡責嘅人,其實可能第一次做女主角,佢背負住好多對白,好多時唔夠瞓,呢段時間我盡量去幫佢,令佢舒服啲。」他更指Gloria曾向他表示冇所謂「佢話咁咪當宣傳囉!由佢!」他補充指,同Gloria私下甚少溝通,「冇話friend唔friend,但見到面一定冇嘢。」

張頴康表示同鄧佩儀私下甚少聯絡。(IG@gloriapuiyeetang)

同場加映:星空下的仁醫|演員中期評核報告 有配角表現勁過鄭嘉穎鍾嘉欣

+11
你可能感興趣