換命真相 | 鄧佩儀愛上譚俊彥 監製黃偉聲:命運安排咗係一對

撰文:邱愛霖
出版:更新:

無綫(TVB)電視劇《換命真相》下禮拜進入結局篇,由於下周五撞正台慶,所以大結局將會調至周六播映。不過就算未進入大直路,劇情追看味漸濃。最大懸念當數譚俊彥(飾時光)能否扭轉維利大廈倒塌,導致五條人命傷亡的慘劇。

要冧的始終會冧。(劇集截圖)

《換命真相》主題好簡單,就是天賜你時光倒流的機會,你能夠預知未來,但代唔代表你可以抵達到另一個結局?據現時劇情走向,譚俊彥醒起了維利大廈是文化遺產,希望藉此阻止大廈被拆卸,怎料林韋辰(飾康永仁)另闢蹊徑,安排內鬼打算鑽爆主力牆。另一方面,鄧佩儀雖然多次被譚俊彥傷害兼劃清界線,但她仍無法抑壓內心情感,始終對譚俊彥產生了情愫。

鄧佩儀始終鍾意咗Shaun。(劇集截圖)

監製黃偉聲承認,譚俊彥無法完全抗拒命運的控制:「喺戲裡面,就算Shaun(譚俊彥)點樣去逃避、迴避咗啲嘢,但命運係安排咗你同鄧佩儀一對,只不過一個意外而令到你返到去6個月之前。但冥冥中,你有啲嘢點迴避、點逃避、點拒絕,但命運都要安排你係咁就係咁,你冇得刻意去改變。」

監製黃偉聲透露如果座樓唔冧,都會有其他結果出現,(梁碧玲攝)

既然如此,譚俊彥所做的一切豈不是徒勞無功?黃偉聲則表示,如果劇情安排維利大廈沒有倒塌,亦會導向其他結果:「有啲嘢,因為Shaun已經知,佢可以改變到一啲嘢。但蝴蝶效應,改變咗A,但引申到B、C,呢兩個問題出現。你阻止到座樓冧,但因為座樓唔冧,亦都引發咗其他嘢出現,呢個就係蝴蝶效應嘅效果。」他又坦言,如果譚俊彥可以在大廈倒塌前,成功勸服5位住戶搬出,大廈會否倒塌則無關緊要。

點擊睇鄧佩儀兩段式爆喊演技:

+4

鄧佩儀被指比8年前選美發福不少:大家對我選美時的身材太洗腦

點擊睇Gloria過去與現在以及她的其他靚相!

+42
+13
你可能感興趣