換命真相｜張頴康不怕得罪無綫 開口講條件渴望做男一：人生苦短
撰文：吳子生
出版：更新：
阿康表示渴望做男一。（梁碧玲攝）
張頴康今日現身觀塘出席無綫台慶劇《換命真相》宣傳造勢活動。（阿康）今日（8/11）現身觀塘出席無綫台慶劇《換命真相》宣傳造勢活動。提到早前接受商台節目訪問時透露渴望做男一，並且為目標設時限，更敢言「再等不到會離開」。阿康表示：「其實嚟近我都40歲，作為一個男演員喺40至50歲呢段係黃金時期，咁所以我就同公司講，如果一線嗰啲演員唔得閒，就可以搵吓我。但如果去到某個時刻都等唔到，我會選擇離開，咁所以呢啲我都話唔埋。到時可能會出去行個圈，我已經有心理準備，始終人生苦短，如果喺有限嘅時候，都做唔到，我諗我會想出去試吓。」
張穎康今日現身觀塘出席無綫台慶劇《換命真相》宣傳造勢活動。（梁碧玲攝）
被問到開口想做男一，會否擔心得罪無綫？阿康直言：「如果到最尾都唔得，就唔怕得罪啦！其實自己又唔係好驚嘅，始終呢個我覺得係正面嚟，又唔係話你唔畀我做男一，我就走咁嘅意思，而我係話我想有咁嘅希望啫，因為我入嚟TVB嘅時候，我已經定咗呢個方向為目標。」
👇👇👇點擊下圖睇精彩畫面👇👇👇
+3