換命真相|張頴康演技值有更好發揮 4歲遭父母拋棄歷盡悲慘人生

撰文:黃梓恒
出版:更新:

已踏入結局周的《換命真相》,隨著劇情推進,真相愈揭愈多,出人意表的情節亦接連發生。昨晚劇情講述家純(蔣家旻飾)吃了有毒蘑菇昏迷後,在醫院醒過來後記起時光(譚俊彥飾)是哥哥,並忘掉了與朴寶劍(朱敏瀚飾)的回憶;家純自揭是由原時空穿越過來,並指Nic(張頴康飾)才是害死時光及Hailey(鄧佩儀飾)真正兇手。得知自己報錯仇的時光大感傷痛,反思Nic成魔原因,並落力再企圖「調整」歷史,結果成功將Nic奸變回忠,二人兄弟情重燃。與此同時,殺手史東(彭懷安飾)甦醒,新一輪危機似乎一觸即發….

張頴康黑化真係做得幾好。(劇集截圖)

談到Nic黑化,不少網民留言早有先兆,並盛讚張頴康演技出眾:「都估到佢係衰仔嚟,冇理由做閒角」、「張頴康好戲呀,有層次!」「張頴康其實係幾好,TVB畀佢做男一啦!」由於Nic最終因時光的「調整」再由奸變回忠,網民再度陷入「Big Boss」是誰迷思,最高嫌疑人暫為康永仁(林韋辰飾)及史東。

張頴康唔知今年有冇獎攞?(劇集截圖)

早前接受商台節目訪問時透露渴望做男一,並且為目標設時限,更敢言「再等不到會離開」。阿康在接受《香港01》訪問時表示:「其實嚟近我都40歲,作為一個男演員喺40至50歲呢段係黃金時期,咁所以我就同公司講,如果一線嗰啲演員唔得閒,就可以搵吓我。但如果去到某個時刻都等唔到,我會選擇離開,咁所以呢啲我都話唔埋。到時可能會出去行個圈,我已經有心理準備,始終人生苦短,如果喺有限嘅時候,都做唔到,我諗我會想出去試吓。」

張頴康早前接受《香港01》訪問。(資料圖片)

在無綫節目《如果這樣生活》中,阿康曾剖白自己的悲慘身世:「嗰一年我得4歲,要揀跟阿爸定跟阿媽,但其實我冇得揀,因為只有阿嫲會留喺我身邊;嗰一年我30歲,我可以揀慶祝或者唔慶祝我嘅生日,但係其實我冇得揀,因為我一定唔會慶祝,因為之前嗰26個生日,冇一個我唔係流住眼淚咁過。我有諗過,可能呢一世都唔會再見番媽媽,又或者呢一世都冇可能有完整嘅家,好好彩,只係可能。嗰一年我36歲,我第二個仔小花生出世,多謝太太,原來一家人整整齊齊、簡簡單單咁生活係咁好呀!」張頴康這段獨白感動不少觀眾,其實在他4歲時因媽媽離家出走,把他拋棄:「嗰陣佢有問我跟唔跟佢走,但我唔想離開嫲嫲……佢一走就走咗幾十年,如果重新嚟過,我打死都唔智放手!」

張頴康重蜇往事,忍唔住喊足4日!(電視截圖)

媽媽離家出走後,張頴康的爸爸返大陸再娶後,兩父子亦幾乎沒有聯繫,一直都是由嫲嫲照顧他,陪他讀書寫字,令他的童年不再孤單。雖然媽媽狠心拋棄自己,但張頴康從未有放棄尋找媽媽的念頭,因為他從不用藝名,希望媽媽可以找到自己。自從與太太麥雅緻結婚後,張頴康直認太太彌補了他童年的缺口:「好多時都係睇你自己滿唔滿足你而家擁有嘅嘢,我就覺得自己好好彩,可以做緊自己鍾意做嘅嘢,出嚟都唔覺得自己開工,似玩!返到屋企對住小朋友又係咁開心,所以覺得自己無憾!」

張頴康有個幸福美滿家庭﹗(Facebook:@張頴康麥雅緻)
+63

同場加映:星空下的仁醫|演員中期評核報告 有配角表現勁過鄭嘉穎鍾嘉欣

+11
你可能感興趣