林盛斌Bob自認「小媒人」 唔會亂介紹︰唔係想識邊個我就介紹你

撰文:李婉文
出版:更新:

現年34歲的無綫藝人張秀文(Sammi)日前承認嫁「皮草太子爺」王大業的堂弟王大權(Billy),Sammi在IG出po講述跟未婚夫的相識經過,她亦特別感謝林盛斌(Bob)做二人的紅娘。阿Bob一向有「金牌媒人」之稱,他接受《香港01》訪問時,笑言自己只是「雞仔媒人」。

阿Bob謙虛表示他成功撮合的情人並不多,只有幾對。(資料圖片)

阿Bob否認自己是「金牌媒人」,只是「小媒人」,因為自己認識好多朋友,身邊有很多單身的朋友,其實條件也不錯,經過平日的相處,了解到他們的為人、喜好等,他說︰「當然你見到成功例子又有Sammi,又有Queenie(朱慧敏),但係其實都有一啲我介紹咗可能唔work,或者even開始咗兩、三日,有啲真係拍到拖㗎,我以為又搞掂咗,點知三日之後同我講,原來大家真係唔掂,work唔到,都會有呢啲情況。咁點解我會咁做,因為我想我身邊嘅人開心,如果我覺得我可以喺你愛情,或者家庭呢個成績表入面幫你提升到嘅,可以令到你進步,咁我覺得都係一個幾大嘅恩德。」

夠Bob成功撮合Sammi和「皮草太子爺」王大業的堂弟王大權(Billy)。(IG@sammicheung926)

阿Bob又透露並不是Billy想主動結識Sammi而希望他「搭路」,他指他撮合的,全部都是他覺得二人有機會發展,所以才介紹他們認識,「即係好似有朋友同我講『喂,我想識高Ling(高海寧)』,冇呢啲嘢㗎!唔會㗎!我亦都唔會係你想識邊個,我就要介紹邊個畀你識,唔會係咁,我而家係做緊一件好事啊嘛,我唔係畀你去溝女啊,都唔會話有個女仔話『我想識邊個有錢佬啊』,唔係!絕對唔係!我一定要了解到大家想要咩人,譬如我識Sammi,我知道Sammi都係一個幾乖嘅女仔,唔係成日出街,好多時留喺屋企,呢一種類型,我就會搵一個都係鍾意呢一種生活嘅男孩子,咁我就諗到Billy,我就同Billy講我介紹邊個畀你識。」之後又跟Sammi說,互相覺得可以識朋友,阿Bob就找個機會讓他們相識。

點擊下圖睇Sammi嘅靚相︰

+18

同場加映︰Ash被欺凌|唔少藝人都有悲慘經歷 王君馨幫人出頭被欺負埋一份

Ash被欺凌|唔少藝人都有悲慘經歷 王君馨幫人出頭被欺負埋一份
+24
你可能感興趣