Jace陳凱詠周六舉行首個個人演唱會 Serrini、AK@MIRROR驚喜亮相

撰文:邱愛霖
出版:更新:

歌手陳凱詠(Jace)於周六(11日)在九展Star Hall舉行首個個人售票演唱會《FWD 富衛保險呈獻 陳凱詠 UNBORDERED 演唱會》頭場。Jace身穿火紅色皮褸Rocker形象登場,獻唱《天生二品》揭開序幕,緊接是熱身歌Avril Lavigne的《Sk8ter Boi》及Olivia Rodrigo的《good 4 u》。Jace隨後使出殺手鑭「秒殺」大家的喉嚨,換上性感火辣的緊身戰衣,熱舞演繹《收聲多謝》,索爆造型令全場尖叫聲不絕,性感女王的霸氣震懾全場。Jace跟大家打招呼:「大家好!現場有幾多係個二品官?由上次《PROCESSED》演唱會400人今次我哋嚟到Star Hall喇!多謝大家!」

演唱會中段,人氣獨立歌手Serrini一身bling bling驚喜登場,與Jace合唱《相對濕度》,兩人洋溢自信,鼓勵大家有想做的事就去做,只要有自信就漂亮。Jace笑言:「下次你開show唔搵我做嘉賓可以搵我做Dancer㗎!」Serrini又演唱《~旋轉 with me*》。此外,Jace為大家送上準備已久驚喜表演,將武術花劍揉合舞蹈,剛柔並重讓大家感受不同面向的陳凱詠,隨後演唱《虛擬人與我》及《Cold》期間,台下一片手機燈海。

歌手Mike曾比特亦亮相做演唱會嘉賓,二人合唱《想正常》及《自以為》,輕快的R&B令眾人載歌載舞,Mike又獨唱《我不如》。延續深情的感覺Jace演唱《沒有無緣無故的恨》,前奏富有感染力。

Jace與大家分享自己成為歌手前的經歷,她小時候喜歡唱歌卻自認唱得欠佳,缺乏自信表現自己:「我細個成日覺得自己唱歌唔好聽,又怕同人講鍾意唱歌會俾人話發明星夢。不過今日可以嚟到呢個舞台,我想同大家講,有夢想但係未達到嘅你放膽去做啦,我經歷過,只要俾自己慢慢進步,終有一日可以達成自己嘅夢想。」隨即她演唱《If I ain’t got you》。MIRROR成員AK(江𤒹生)為壓軸嘉賓,兩人合唱《隔離》及《曖 Tensions》,兩位跳得之人邊跳邊唱將氣氛推至高峰,AK演唱《金星女孩》再掀起高潮。

連串快歌環節,《DOITDOIT》、《Forever Summer》、《喘息空間》及《CityPop》引起全場氣氛高漲,再到《倒轉地球》、《跌嘢唔好搵》、《boyfriend material》、《得個等》、《大懶堂》及《Warriror》medley。唱到《我愛茶餐廳》時,Jace坦言:「好鍾意呢首歌,覺得好似自己『外貌帶點草根卻高雅』,哈哈!如果我要離開香港,一定會好掛住啲嘢食,希望之後可以留喺香港做音樂送畀大家。近來有啲朋友將會離開香港,送以下呢首歌畀大家。」她眼泛淚光唱出《Ciao》。Jace感性說:「能夠做得成呢個騷唔知點形容,有人提點我要珍惜每個時刻,的確時間過得好快,多謝每個鼓勵過我嘅朋友!」最後她演唱《I Wish》,安歌環節則演唱《想突然》及《隔離》,為演唱會劃上圓滿句號。

你可能感興趣