全民造星IV｜謝安琪心水Win Win及CK入女團：佢哋會係重要成員
撰文：陳芷穎
出版：更新：
《全民造星IV》總決賽於昨晚（25日）圓滿結束，冠亞季軍分別由Marf（邱彥筒）、Gao（沈貞巧）及Day（許軼）奪得。評判之一的謝安琪（Kay）接受訪問時指三甲都是自己的心水：「賽果好合理，最難得係表演好好睇之外都好有觀眾緣，觀眾支持度好高，佢哋應該要好開心。」
冠亞季軍分別由Marf（邱彥筒）、Gao（沈貞巧）及Day（許軼）奪得。（葉志明攝）
Kay說Win Win和CK的表演令她留下最深刻印象：「雖然冇贏出，但佢哋嘅表演喺我心中留下好好嘅印象。CK好叻，自己編曲，係一個好全面嘅表演者，今晚佢嘅演出好夠感染力。Win Win係一個好可愛嘅表演者，好有感染力，喺我心中好高分。」
雖然未知女團人數，但Kay坦言Win Win和CK是她心水的女團人選：「希望女團可以揀多啲人，20位參賽者都好叻、好好睇。CK會係女團好重要嘅成員，Win Win係帶動大家，女團都好需要。」再次擔任《造星》評判的阿Kay表示選女團與男團有少許分別，自己更明白作為女藝人的難處，亦大讚二十位參賽者表現出色。