萬千星輝|譚俊彥自爆曾被狄龍鎖入狗籠:嚇到病咗!

撰文:林迅景
出版:更新:

譚俊彥昨日於《萬千星輝頒獎典禮2021》中奪得「最佳男主角」及「馬來西亞最喜愛TVB男主角」成為「雙料視帝」,當晚狄龍亦有受邀到《萬千星輝頒獎典禮2021》頒獎,頒獎禮後爸爸狄龍與譚俊彥在台下一同受訪後,更被拍到相擁祝賀,場面十分溫馨感人。其實爸爸狄龍自譚俊彥小時候就採取嚴父教育方法,早年譚俊彥在《爸爸的告白》節目中亦曾透露自己爸爸的「非一般」教育方法。

譚俊彥瘋得「視帝」,爸爸狄龍真係好感動。(資料圖片)

台下譚俊彥做訪問時,狄龍行入鏡頭中加入做訪問,說:「 我知道我個仔因為我做呢行,唔想衰畀我睇,呢樣我都贊成﹗我鍾意用理性,多過感情角度去睇件事﹗我想話你知,你要感激過去、努力當下、放眼未來,你有幾大嘅能力就有幾大嘅責任,當然要用行為用工作去報答支持你嘅人,今日你好幸運,但同你一齊競爭嘅人嘅技巧,唔一定輸過你,只不過輸咗個運氣畀你﹗」

狄龍「亂入」譚俊彥訪問。(截圖)
譚俊彥同狄龍兩父子真情剖白。(YouTube截圖)
譚俊彥同狄龍兩父子真情剖白。(YouTube截圖)

由這段互動中,可以看出狄龍對譚俊彥(Shaun)非常嚴格,其實從他們之間的一段往事,就能看出他們的關係,在早年《爸爸的告白》節目,譚俊彥就曾透露過爸爸的管教方法,說:「我細個嘅時候,有一日爸爸揸車返屋企,咁啱收音機播緊一單突發新聞,爸爸聽緊嘅,但我貪玩將個卡式帶推入機度聽兒歌,爸爸熄返,我又開返,來來回回好幾次,爸爸就同我講,『你再撳我就鎖你入狗籠裏面』,當時我心諗『大我咋!』照撳,結果返到屋企真係鎖咗我入狗籠。」

小時候的譚俊彥被迫與都柏文犬一同鎖在籠中超過半小時。(YouTube截圖)
狄龍和譚俊彥兩父子相擁。(資料圖片)

當年狄龍家中家中裹養了一隻都柏文犬,結果小時候的譚俊彥被迫與都柏文犬一同鎖在籠中超過半小時後,就嚇到大病了一場。之後狄龍對這個「非一般」教育方法感到歉疚,更直言這是自己心中的一道疤痕,在節目中亦向譚俊彥致歉:「係爸爸唔啱,對唔住!」自此兩父子解開了心結,亦不再提及這次「狗籠」事件。

狄龍、譚俊彥一家。(資料圖片)

譚俊彥也說,發生當年他只有5,6歲,但十分理解狄龍,因為狄龍當年還在學習如何教育兒子。他說:「佢當年湊我嘅時候年紀比較輕,冇人一生出嚟就識做爸爸,會有唔識處理嘅時候,再加上佢爸爸即係我爺爺好早過咗身,冇感受太多父愛,呢件事發生咗之後,佢都有後悔,亦有喺節目度同我講對唔住,但其實唔使,我依家囡囡曳曳,我都會叫佢去Naughty Room(調皮室),其實都一樣,我都學習緊做一個稱職嘅爸爸。」

+19