青春不要臉｜戴祖儀自爆昨日當街跌親勁樣衰：我拎住好多嘢好核突
撰文：吳子生
出版：更新：
戴祖儀（Joey）今日（25/1）帶傷現身電視城出席無綫劇集《青春不要臉》宣傳造勢活動。Joey透露昨日去髮型屋途中，不小心意外跌到受傷，導致左腳膝頭擦損：「其實對上一次仆親都唔知幾時，諗吓都好耐未試過咁跌。其實諗返轉頭都唔明點解會喺嗰個位跌，可能行緊嘅時候，唔小心踢到地氈，我就成個人就向前仆，然後大叫咗一聲『哎呀』就趴咗落地。好彩我冇行前多一步，如果唔係我就碌落樓梯。不過我第一時間唔係睇自己傷害勢，反而係睇吓有冇人囉，好彩冇人。因為我真係好樣衰，而且我拎住好多嘢好核突，咁跌法真係好搶眼。」
Joey展示傷勢。（梁碧玲攝）
+1