梅啟明爆梅媽每月生活費：佢一個月25萬，我只係攞2萬蚊咋
撰文：吳子生
出版：更新：
梅啟明表示告電影公司，最初是梅媽決定。
日前梅媽(覃美金)就登報跟兒子斷絶母子關係，今日(15日)梅啟明就為事件回應，更在北角城市花園對面公園舉行記者會交待事件，除了回應與梅媽關係，更表示外間一直對他有誤會，自己不是貪財，被問到會否感恩梅媽多年來經濟幫助？梅啟明理直氣壯說：「唔感恩，我一啲都唔感恩。（佢每月都有俾錢你！）你哋知唔知佢一個月收幾多錢？係一個月25萬，而我只係攞2萬蚊。（你係咪嫌少？）唔係少嘅問題，而家咁嘅情況都過咗咁耐，我都唔想講。（梅媽話你好貪財！）我貪財，我就一早貪咗啦！個個月貪佢一兩萬蚊，係咪咁講呀！仲話要養我一家大細，你估我真係殘廢㗎！我喺出面做過好多份工，做過地盤，裝修，廚房做到褲都濕埋，而我一路都做緊，係散工嚟嘅。