肥仔@ERROR自爆體重190磅出問題要即入院 嚇親Do姐:你要減肥啦

撰文:邱愛霖
出版:更新:

ERROR成員肥仔(梁業)曾自爆現時磅數為190磅。他於今日(17日)亮相商台節目《口水多過浪花》接受Do姐(鄭裕玲)訪問,透露最瘦時只有130磅,現已激增60磅達190磅,嚇親一向注重身體健康的Do姐,Do姐驚呼說道:「吓?哎呀,你要減肥啦!」

Do姐聽到肥仔最早三、四點才入睡,不禁驚呼出來。(《口水多過浪花》節目截圖)

此時肥仔笑言:「但我減咗肥就唔係肥仔啦喎!」Do姐解釋是擔心肥仔身體健康。肥仔又透露,早前因體重問題獲醫生建議入院檢查,他說:「前兩日抽咗血啦,都係有啲身體毛病嘅。(係咪因為你磅數而導致?)有啲啦!跟住醫生建議我今晚就入院檢查,所以我陣間做完訪問就入院檢查㗎啦!」他又指如果醫生建議,他亦會為健康選擇減肥。

肥仔現身商台接受Do姐訪問。(IG@do_do_cheng)

而肥仔又爆減肥失敗原因。他自言非常鍾意食嘢,他說:「成日都話做得咁辛苦,都係為咗啖食,食又食得咁辛苦,咁好悶啫!」第二個壞習慣是夜瞓,他表示:「最早瞓都三、四點,琴晚都三點零先瞓。」Do姐聽後再次驚呼,更笑言不能想象,她直言:「我同你相反㗎你知唔知呀,可能你瞓嗰個鐘數呢,我過唔係好耐就醒㗎啦已經!我係好早瞓,我係唔明點解係可以夜瞓。」

數8位未正式解凍TVB藝人 有一位簽約3個月即被雪足11個月

+15

李嘉欣同許晉亨結婚13年恩愛如昔 曬巴黎鐵塔首次約會相超靚女

+21